Author: નોબત સમાચાર
તુર્કીયે દ્વારા સીરિયા અને ઈરાક પર એરસ્ટ્રાઈક
આતંકી હુમલાનો લીધો બદલોઃ
નવી દિલ્હી તા. ર૪: તુર્કીયેએ આતંકી હુમલાનો ઈઝરાયલની જેમ બદલો લીધો. બે મુસ્લિમ દેશો પર એરસ્ટ્રાઈક કરી હોવાના અહેવાલો સાંપડી રહ્યા છે.
તુર્કીયેની રાજધાની અંકારામાં બુધવારે થયેલા ભીષણ આતંકવાદી હુમલાના જવાબમાં બે પાડોશી ઈસ્લામિક દેશને નિશાનો બનાવવામાં આવ્યા છે. તુર્કીયેએ પાડોશી દેશ સીરિયા અને ઈરાકમાં એરસ્ટ્રાઈક કરી છે. તુર્ર્કીયે તરફથી કરવામાં આવેલા હવાઈ હુમલામાં બે આતંકવાદીઓ ઠાર કર્યા હોવાની વાત કહેવામાં આવી રહી છે.
તુર્કીયે રક્ષા મંત્રાલય તરફથી રજૂ કરવામાં આવેલા નિવેદનમાં કહેવામાં આવી રહ્યું છે કે હવાઈ હુમલો કરી કુલ ૩૦ આતંકવાદી ઠેકાણાઓનો નાશ કરવામાં આવ્યો છે. તુર્કયેના રાષ્ટ્રપતિ રઝબ તૈય્ય્બે ઓર્દોઆનના એરોસ્પેસ અને ડિફેન્સ કંપની 'તુસાસ' પર હુમલાને લઈને કહ્યું કે, ગુનેગારોને છોડવામાં નહીં આવે. રાષ્ટ્રપતિના આ નિવેદનના થોડા સમય પછી જ તુર્કીયેએ સીરિયા અને ઈરાક પર હવાઈ હુમલો કરાવી દીધો.
તુર્કીયેમાં થયેલા આતંકવાદી હુમલાની હજુ સુધી કોઈપણ સંગઠને જવાબદારી નથી લીધી, પરંતુ આ મામલો ઈરાક અને સીરિયામાં સક્રિય કુર્દ બ્ળવાખોરો દ્વારા કરાવવામાં આવ્યો હોવાની આશંકા છે.
આ દરમિયાન તુર્કીયે મીડિયા દ્વારા કહેવામાં આવ્યું કે, એક મહિલા સહિત ત્રણ હુમલાખોર એક ટેક્સીમાં એરોસ્પેસ અને ડિફેન્સ કંપની 'તુસાસ' કેમ્પસના પ્રવેશ દ્વાર પર પહોંચ્યા હતાં. હુમલાખોરો હુમલો કરવા હથિયાર સાથે લઈને આવ્યા હતાં. તેઓએ ટેક્સીની બાજુમાં એક વિસ્ફોટક ઉપકરણમાં વિસ્ફોટ કર્યો. જેનાથી અફરાતફરી મચી ગઈ અને તે પરિસરમાં ઘૂસી ગયા. આ ઘટના પછી તુરંત તુર્કીયેના સુરક્ષાદળની ટીમ ઘટના સ્થળે પહોંચી. ત્યારપછી ગોળીબારનો અવાજ શરૂ થયો. તુર્કીયે સુરક્ષા દળો દ્વારા રાજધાની અંકારાની બહારના વિસ્તારમાં સ્થિત કંપની પર કરાયેલા હુમલા પછી પરિસ્થિતિ પર કાબૂ મેળવાયો હોવાનો દાવો કરાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
