Author: નોબત સમાચાર
જામનગરમાં રિક્ષા છકડાની ચોરી કરી લેનાર નામીચા શખ્સની કરાઈ ધરપકડ
રૂપિયા પોણા લાખનો છકડો ઝબ્બે લેવાયોઃ
જામનગર તા. ર૪: જામનગરની પત્રકાર સોસાયટી પાસેથી એક આસામીનો રિક્ષા છકડો ચોરાઈ ગયો હતો. તેની તપાસમાં પોલીસે બેડી નજીકના પુલ પાસેથી એક શખ્સને ચોરાઉ છકડા સાથે પકડી છકડો કબજે કર્યાે છે.
જામનગરના સાતરસ્તા નજીક પ્રદર્શન મેદાન સામે આવેલી પત્રકાર સોસાયટીમાં દોઢેક મહિના પહેલાં એક આસામીએ જીજે-૧૦-ટીઝેડ ૨૩૬૭ નંબરનો રિક્ષા છકડો મૂક્યો હતો. તે છકડો કોઈ શખ્સ હંકારી ગયાની પોલીસમાં ફરિયાદ કરવામાં આવી હતી.
તે ગુન્હાની સિટી બી ડિવિઝનના પીઆઈ પી.પી. ઝાની સૂચનાથી શરૂ કરાયા પછી સ્ટાફના રઘુભા પરમાર, ક્રિપાલસિંહ, જયદીપસિંહને મળેલી બાતમીના આધારે બેડી નજીક ઓવરબ્રિજ પાસે એક શખ્સ ચોરાઉ છકડા સાથે આવ્યો હોવાની બાતમી મળતા ત્યાં ધસી ગયેલી પોલીસ ટીમે ધરારનગર-૧માં રહેતા હુસેન અલીમામદ જોખીયા ઉર્ફે હુસના ચોર નામના શખ્સને છકડા સાથે પકડી પાડ્યો હતો. આ શખ્સે છકડો ચોર્યાની કબૂલાત આપી છે. પોલીસે રૂપિયા પોણા લાખની કિંમતનો છકડો કબજે કરી તેની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
