Author: નોબત સમાચાર
જામનગરમાંથી ટ્રકની ચોરી કરનાર બે શખ્સને ટ્રક સાથે ઝડપી લેતી પોલીસ
એક સામે ગુજસી ટોક હેઠળ પણ નોંધાયો છે ગુન્હોઃ
જામનગર તા. ૨૪: જામનગરના બુરહાની પાર્ક પાસેથી ગઈ તા.૭ના દિને રૂપિયા સાડા સાત લાખનો એક ટ્રક ચોરાઈ ગયો હતો. તેની શરૂ થયેલી તપાસમાં પોલીસે ચોરાઉ ટ્રક સાથે બે શખ્સને પકડી પાડ્યા છે. ઝડપાયેલા આરોપીમાંથી એક સામે ગુજસી ટોક સહિતના ગુન્હા નોંધાયેલા છે.
જામનગરના કાલાવડ નાકા બહાર આવેલી અલસફા સોસાયટીમાં રહેતા અબ્બાસ મસ્કતી નામના આસામીએ ગઈ તા.૭ની સાંજે પોતાનો જીજે-૧૦-એક્સ ૯૩૯૪ નંબરનો ટ્રક બુરહાની પાર્ક નજીક પાર્ક કર્યાે હતો. ત્યાંથી કોઈ શખ્સ આ ટ્રકને હંકારી ગયો હતો. તે ટ્રકમાં ઓરીજીનલ આરસી બુક સહિતના કાગળો પણ હતા.
ચોરીની આ ફરિયાદની તપાસ સિટી એ ડિવિઝન પોલીસ દ્વારા શરૂ કરાયા પછી સર્વેલન્સ સ્ટાફના શૈલેષ ઠાકરીયા, હિતેશ સાગઠીયાને બાતમી મળી હતી કે, ઉપરોક્ત ટ્રક ઠેબા બાયપાસથી હાપા યાર્ડ તરફ જવાના નવા રસ્તા પર પસાર થઈ રહ્યો છે.
તે બાતમીથી પીઆઈ એન.એ. ચાવડાને વાકેફ કરાયા પછી પીએસઆઈ ડી.જી. રામાનુજના વડપણ હેઠળ સ્ટાફે વોચ રાખી હતી. જેમાં આ ટ્રક સાથે મોરકંડા રોડ પર ગરીબ નવાઝ સોસાયટીમાં રહેતો શબ્બીર ઈકબાલ છીતરા તથા રાજકોટમાં માજોઠીનગર નજીક રહેતો ફારૂક સલીમ માજોઠી ઉર્ફે જમાલ નામના બે શખ્સ મળી આવ્યા હતા. આ શખ્સોએ તે ટ્રક ચોરી કર્યાની કબૂલાત આપી છે. પોલીસે રૂ.સાડા સાત લાખનો ટ્રક કબજે કરી બંનેની ધરપકડ કરી છે. આરોપી પૈકીના ફારૂક ઉર્ફે જમાલ સામે રાજકોટ શહેર તેમજ થોરાળા પોલીસ સ્ટેશનમાં જુદા જુદા ચાર ગુન્હા નોંધાયેલા છે અને તેની સામે ગુજસી ટોક કાયદા હેઠળ પણ ગુન્હો નોંધાયેલો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
