Author: નોબત સમાચાર
હાડાટોડામાં ઘઉંની કોઠીમાં સંતાડેલો દારૂનો જથ્થો કબજેઃ આરોપી ફરાર
દડીયા પાસેથી બે ચપલા સાથે એક શખ્સ ઝડપાયોઃ
જામનગર તા. ૨૪: ધ્રોલના હાડાટોડા ગામમાં એક શખ્સના મકાન સામે બનાવવામાં આવેલા છાપરા નીચે મૂકવામાં આવેલી ઘઉં ભરવાની કોઠીની પોલીસે પૂર્વ બાતમીના આધારે તલાશી લેતાં તેમાંથી ભારતીય બનાવટના અંગ્રેજી શરાબની ૪ર મોટી અને ૧પ નાની બોટલ મળી આવી હતી. નાસી છૂટેલા આરોપીની શોધ હાથ ધરી પોલીસે દારૂનો જથ્થો કબજે કર્યાે છે. જ્યારે દડીયા ગામ પાસેથી એક શખ્સને બે ચપલા સાથે ઝડપી લેવાયો છે.
ધ્રોલ તાલુકાના હાડાટોડા ગામમાં આવેલા એક શખ્સના મકાનમાં ઈંગ્લીશ દારૂનો જથ્થો પડ્યો હોવાની બાતમી પરથી ગઈકાલે ધ્રોલ પોલીસ સ્ટેશનના સ્ટાફે જયેન્દ્રસિંહ સહદેવસિંહ જાડેજાના મકાનની સામે બનાવેલા પતરાના છાપરા નીચે દરોડો પાડયો હતો.
તે છાપરા નીચે રાખવામાં આવેલી ઘઉં ભરવાની કોઠીમાંથી અંગ્રેજી શરાબની જુદી જુદી બ્રાંડની ૪૨ બોટલ તથા ૧૫ ચપલા મળી આવ્યા હતા. દરોડા પહેલાં જયેન્દ્રસિંહ નાસી છૂટ્યો હતો. પોલીસે રૂ.ર૪,૭પ૦ની કિંમતનો દારૂનો જથ્થો કબજે કરી આરોપીની શોધ આરંભી છે.
જામનગરથી સમાણા રોડ પર આવેલા રણજીતસાગર નજીકના દડીયા ગામ પાસેથી ગઈકાલે સાંજે જઈ રહેલા દડીયા ગામના રણછોડ સંજયભાઈ વડેશા નામના શખ્સને પેટ્રોલિંગમાં રહેલા પંચકોશી બી ડિવિઝનના સ્ટાફે રોકી ચેક કરતા તેની પાસેથી દારૂના બે ચપલા મળી આવ્યા હતા. પોલીસે ચપલા કબજે કરી રણછોડની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
