Author: નોબત સમાચાર
કાલાવડમાં યુવાન પર મહિલા સહિત ચાર વ્યક્તિએ છરી-તલવાર વીંઝી
ઝઘડા પછી મિત્રને મળવા ગયાનો ઉતારાયો ખારઃ
જામનગર તા. ૧૬: કાલાવડના એક યુવાનને શુક્રવારે રાત્રે ખીજડાવાળા ચોક પાસે રોકી લઈ બાઈકમાંથી ઉતારી એક શખ્સ, તેના બે પુત્ર તથા પત્નીએ તલવાર, છરી, ધોકાથી માર માર્યાે હતો. આ યુવાન થોડા દિવસ પહેલાં પોતાના મિત્રને ઝઘડો થયા પછી મળવા જતા તે બાબતનો ખાર રાખી ધોકાવાયાની પોલીસમાં ફરિયાદ કરાઈ છે.
કાલાવડના આંબેડકર નગરમાં રહેતા કરણ ભીખાભાઈ ધમ્મર નામના યુવાનની ગયા શુક્રવારે રાત્રે નવેક વાગ્યે ખીજડાવાળા ચોક પાસેથી બેઠા પુલ તરફ જવાના રસ્તા પર કાલાવડના હરસુખ, ભાવનાબેન, કરણ હરસુખ, અર્જુન હરસુખ નામના ચાર વ્યક્તિએ રોકી લીધા હતા.
થોડા સમય પહેલાં હરસુખ સાથે કરણના મિત્ર વિપુલને ઝઘડો થયો હતો ત્યારે વિપુલને મળવા માટે કરણ ગયો હતો. તે બાબતનો ખાર રાખી આ વ્યક્તિઓએ જ્યારે કરણ શુક્રવારે રાત્રે બાઈક પર જતો હતો ત્યારે તેને રોકી ગાળો ભાંડી જ્ઞાતિ પ્રત્યે અપમાનિત કરવા ઉપરાંત તલવાર, છરી, ધોકાથી હુમલો કરી માર માર્યાે હતો. કરણે કાલાવડ શહેર પોલીસમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
