Author: નોબત સમાચાર
ધ્રોલમાંથી અપહૃુત સગીરાના સગડ શોધી કાઢતી પોલીસ
ત્રણેક વર્ષ પહેલાં થયું હતું અપહરણઃ
જામનગર તા. ૧૬: ધ્રોલ પંથકમાંથી સાડા ત્રણેક વર્ષ પહેલાં એક સગીરાનું અપહરણ થયું હતું. તે સગીરાને શોધી કાઢવા માટે પોલીસ દ્વારા કરાઈ રહેલી તજવીજમાં આખરે આ સગીરા સુરેન્દ્રનગરના થાનમાં મળવા પામી છે. તેણીને ધ્રોલ ખસેડી પોલીસે કાર્યવાહી હાથ ધરી છે.
ધ્રોલ પોલીસ સ્ટેશનમાં વર્ષ ૨૦૨૧માં એક સગીરાના અપહરણની ફરિયાદ કરવામાં આવી હતી. તે ગુન્હામાં પોલીસ દ્વારા તપાસ કરાઈ રહી હતી. જેમાં ભોગ બનનાર સગીરા તથા અપહરણ કરનાર શખ્સનો પત્તો લાગ્યો ન હતો.
ઉપરોક્ત સગીરા ઉત્તર પ્રદેશના ઝાંસી વિસ્તાર તથા સુરેન્દ્રનગરના થાન વિસ્તારમાં આવતી જતી હોવાની વિગત મળતા ધ્રોલ પોલીસની ટીમ સગીરાના સગડ દબાવી રહી હતી. તે દરમિયાન સુરેન્દ્રનગરના થાનમાં આ સગીરા એક શખ્સ સાથે હાજર છે તેવી બાતમી મળતા દોડી ગયેલી પોલીસે થાનના જીઆઈડીસી વિસ્તારમાંથી તે સગીરાને શોધી કાઢી ધ્રોલ પોલીસ મથકે ખસેડી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
