Author: નોબત સમાચાર
મોરકંડા પાટીયા પાસે પીકઅપ વાનમાંથી બે હજાર લીટર દેશી દારૂ સાથે એક ઝબ્બે
એક મકાનમાંથી ૧૬ બોટલ દારૂ મળી આવ્યોઃ
જામનગર તા. ૯: જામનગરના કાલાવડ નાકા વિસ્તારમાં એક સોસાયટીમાં મકાનમાંથી પોલીસે દારૂની ૧૬ બોટલ કબજે કરી છે. જ્યારે મોરકંડા પાટીયા નજીક બોલેરો પીકઅપ વાનમાંથી ૨૦૦૦ લીટર દેશી દારૂ સાથે એક શખ્સને પોલીસે દબોચી લીધો છે. તેણે બે સાગરિતના નામ પોલીસને આપ્યા છે.
જામનગરના કાલાવડ નાકા બહાર આવેલી દેવદત્ત સોસાયટીમાં એક શખ્સના મકાનમાં દારૂનો જથ્થો પડ્યો હોવાની બાતમી સિટી એ ડિવિઝનના પોલીસ સ્ટાફને મળતા ગઈરાત્રે પોણા બે વાગ્યે દરબારગઢ પોલીસચોકીના પીએસઆઈ વી.આર. ગામેતી તથા સ્ટાફે જયસુખભારથી ઉર્ફે માધુભાઈ નથુભારથી ગોસ્વામી નામના શખ્સના મકાનમાં દરોડો પાડી તલાશી લેતા ત્યાંથી અંગ્રેજી શરાબની જુદી જુદી બ્રાંડની ૧૬ બોટલ મળી આવી હતી. મૂળ પોરબંદર જિલ્લાના ભોમિયાવદર ગામના આ શખ્સની પોલીસે ધરપકડ કરી છે અને દારૂની બોટલ કબજે કરી છે.
જામનગરના કાલાવડ નાકા બહાર આવેલા ઠેબા બાયપાસ નજીક મોરકંડા પાટીયા પાસે ગઈકાલે રાત્રે માલવાહક વાહનમાં દેશી દારૂની હેરાફેરી થતી હોવાની બાતમી પંચકોશી બી ડિવિઝનના એમ.એલ. જાડેજા, સુમિત શિયારને મળતા પીએસઆઈ સી.એમ. કાંટેલીયાને વાકેફ કરાયા પછી પોલીસે વોચ ગોઠવી હતી.
તે દરમિયાન જીજે-૩-એએક્સ ૯૪૫૨ નંબરની બોલેરો પીકઅપ વાન નીકળી હતી. તેને રોકાવી પોલીસે ચેક કરતા તેમાંથી બે હજાર લીટર દેશી દારૂ મળી આવ્યો હતો. આ જથ્થા સાથે ગ્રીન સિટી પાસે સુભાષ પાર્કમાં રહેતા કિશન ગાભાભાઈ ગુજરીયા નામનો શખ્સ મળી આવ્યો હતો. પોલીસે દારૂ, વાહન તથા એક મોબાઈલ મળી કુલ રૂ.૫,૪૫,૦૦૦નો મુદ્દામાલ કબજે કર્યાે છે. આ શખ્સે ધનજી શિયાર નામના શખ્સનું નામ તથા અન્ય એક સપ્લાયરના મોબાઈલ નંબર પોલીસને આપ્યા છે. ત્રણેય સામે દારૂબંધી ભંગ અંગે ગુન્હો નોંધવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
