Author: નોબત સમાચાર
ખંભાળિયામાં બે બાઈક તથા એક મોટરમાં કોઈ રીતે ભભૂકી ઉઠી આગઃ દોડધામ મચી
વીજ પુરવઠો બંધ કરાવી આગ કાબુમાં લેવાઈઃ
ખંભાળિયા તા. ર :દેવભૂમિ દ્વારકા જિલ્લાના ખંભાળિયામાં આવેલા પોરબંદર રોડ પર ગઈકાલે રાત્રે એક પેટ્રોલપંપ પાસે પડેલા બે બાઈક તથા એક કાર સળગતા દોડધામ મચી ગઈ હતી. દોડી આવેલી ફાયર બ્રિગેડની ટીમે વીજ પુરવઠો બંધ કરાવી આગ કાબુમાં લઈ લીધી હતી.
ખંભાળિયાના ટાઉનહોલ વિસ્તાર પાસે બાઈક તથા કાર સળગતા દોડધામ થઈ ગઈ હતી. તે વાહનો જ્યાં સળગ્યા હતા ત્યાં પેટ્રોલપંપના બોર્ડ પણ સળગતા તથા ત્યાંથી આ આગ વીજવાયરોમાં અડકી જતા વાયરો પણ સળગવા લાગ્યા હતા. આગ લાગ્યાની જાણ થતાં ફાયરબ્રિગેડની ટૂકડી અને વીજ કંપનીના ડે. ઈજનેર પંડયા દોડી આવ્યા હતા. તેઓએ તાકીદે વીજ પુરવઠો બંધ કરાવતા અને પાણીનો મારો શરૂ કરાતા દુર્ઘટના અટકી હતી.
સળગી ગયેલા વાહનોમાં ડો. પ્રકાશ ધારવીયાની મોટર અને બજાણા ગામના એક આસામી સહિત બે વ્યક્તિના બાઈક ભસ્મિભુત થઈ ગયા હતા. પેટ્રોલપંપની ટાંકી સાફ કરવા આવેલા બે વ્યક્તિએ તેમાંથી નીકળેલો કચરો રોડ પર ફેંક્યા પછી પંપ પાસે આગ ભભૂકી હતી પરંતુ બાઈક અને મોટર કઈ રીતે સળગ્યા તે જાણવા મળ્યું નથી. ફાયર શાખાના ચીફ ઓફિસર તેમજ હોમગાર્ડ કમાન્ડન્ટ અને હોમગાર્ડઝ જવાનો પણ મદદ માટે આવી પહોંચ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
