Author: નોબત સમાચાર
પિયરેથી પત્નીને તેડી જવા આવેલા યુવાનને બે શખ્સે રોકી લમધાર્યાે
પુત્રની ઉઘરાણીના મામલે પિતાને માર પડ્યોઃ
જામનગર તા. ૨: જામનગરના રણજીતસાગર રોડ પર એક પ્રૌઢ પર તેમના પુત્ર પાસે પૈસા માંગતા શખ્સ તથા તેના સાગરિતે છરીથી હુમલો કર્યાે હતો. જ્યારે પત્નીને પિયરથી તેડી જવા આવેલા રાજકોટના યુવાનને બે શખ્સે લમધાર્યાે હતો.
જામનગરના રણજીત સાગર રોડ પર આવેલા સનેશ્વર પાર્કમાં રહેતા વિનોદભાઈ દામજીભાઈ પેઢડીયા નામના પ્રૌઢ પર શનિવારે રાત્રે રઝાક ખફી તથા એક અજાણ્યા શખ્સે છરી, ઢીકાપાટુથી હુમલો કરી માર માર્યાે હતો અને મારી નાખવાની ધમકી આપી હતી.
આ બનાવની ગઈકાલે સાંજે વિનોદભાઈએ સિટી એ ડિવિઝન પોલીસ સ્ટેશનમાં ફરિયાદ નોંધાવી છે. જેમાં તેઓએ જણાવ્યા મુજબ રઝાકે વિનોદભાઈના પુત્ર પાસે પૈસા લેવાના બાકી હતા. તેની ઉઘરાણી રસ્તામાં રોકીને રઝાક તથા અજાણ્યા શખ્સે કરતા તે રકમ પોતાના પુત્ર પાસેથી લઈ લેવાનું વિનોદભાઈએ કહેતા તેમના પર હુમલો થયો હતો.
જામનગરના દિગ્જામ સર્કલ પાસે ગઈકાલે સાંજે આકાશ ચંદુગીરી ગોસ્વામી પર જયેશ ઉર્ફે બાબુ રમેશભાઈ રાઠોડ, દીપક શશીભાઈ પરમાર નામના બે શખ્સે હુમલો કરી માર માર્યાે હતો. તેની ફરિયાદ આકાશે સિટી સી ડિવિઝન પોલીસ સ્ટેશનમાં નોંધાવી છે.
આ યુવાન રાજકોટના ઘંટેશ્વર પાસે રહે છે. તેઓ પોતાના પત્નીને પિયરથી તેડી જવા માટે આવ્યા હતા. જ્યાં લખાણ કર્યા પછી જ તેણીને મોકલવાની વાત થયા પછી બોલાચાલી થતાં રસ્તામાં રોકી આકાશને છરી તથા હાથમાં પહેરવાના કડાથી બંને શખ્સે માર માર્યાે હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
