Author: નોબત સમાચાર
જામનગરના ગોકુલનગર, સમર્પણ સર્કલ તથા રાજ ચેમ્બર પાસેથી ત્રણ વાહન ચોરાયા
ત્રણેય આસામીએ પોલીસમાં કરી ફરિયાદઃ
જામનગર તા. રઃ જામનગરના ગોકુલનગર જકાત નાકા પાસેથી એક આસામીનું ડ્રીમ યુગા બાઈક ચોરાઈ ગયું છે. જ્યારે રાજ ચેમ્બર નજીકથી હીરો મોટર સાયકલ અને સમર્પણ સર્કલ પાસેથી અન્ય એક બાઈક ચોરાઈ ગયાની પોલીસમાં ફરિયાદ કરવામાં આવી છે.
જામનગરના રણજીતનગર વિસ્તાર પાસે જૂના હુડકોમાં રહેતા અને સિક્યુરિટી ગાર્ડ તરીકે નોકરી કરતા હરીશભાઈ પ્રભુલાલ ગોપીયાણીએ ગયા શુક્રવારે રાત્રે જીજે-૧૦-સીઆર ૪૫૯૯ નંબરનું પોતાના કૌટુંબિક સાળાને રૂ. ૩૦ હજારની કિંમતનું હોન્ડા બાઈક ગોકુલનગર જકાતનાકા પાસે મૂક્યું હતું. ત્યાંથી આ વાહન ચોરાઈ ગયું છે.
જામનગરના ખોડિયાર કોલોની વિસ્તારમાં આવેલા રાજ ચેમ્બરમાં રહેતા લોકેશ અર્જુનભાઈ જારીયા નામના આસામીએ ગઈ તા.૧૭ની સાંજે રાજ ચેમ્બર નીચે બસ સ્ટેશન પાછળ પાર્કીંગમાં પોતાનું એમપી ૦૪ પાસીંગનું રૂ. ૫૦ હજારની કિંમતનું હીરો મોટરસાયકલ મૂક્યું હતું. તે બાઈક બાવીસ તારીખની સાંજ સુધીમાં ત્યાંથી ચોરાઈ ગયું છે.
જામનગરના ગુલાબનગર નજીક રાધેક્રિષ્ન પાર્કમાં રહેતા ડાયેશભાઈ મગનલાલ સોનગરાએ પોતાનું જીજે-૧૦-ડીસી ૯૯૯૪ નંબરનું બાઈક ગઈ તા.૨૬ની સવારે સમર્પણ સર્કલ પાસે મૂક્યું હતું. ત્યાંથી સાંજ સુધીમાં રૂ. ૪ર હજારનું તે વાહન ઉપડી ગયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
