Author: નોબત સમાચાર
જામનગરના પટેલ કોલોની તથા ડેન્ટલ કોલેજ પાસેથી ચોરાયેલા બે બાઈક ઝબ્બે
વાહન ઉઠાવનાર કાયદાથી સંઘર્ષિત કિશોરો ઝડપાયાઃ
જામનગર તા. ૧૦: જામનગરના પટેલકોલોની વિસ્તારમાં એક એપાર્ટમેન્ટના પાર્કિંગમાંથી ચોરાયેલા એક્ટિવા તથા ડેન્ટલ કોલેજ પાસેથી ચોરાયેલા બાઈક સાથે પોલીસે કાયદાથી સંઘર્ષિત કિશોરની અટકાયત કરી છે.
જામનગરના ૫ટેલકોલોની વિસ્તારમાં આવેલી એક ઈમારતના પાર્કિંગમાંથી જીજે-૧૦-એઆર ૭૮૧૨ નંબરનું એક્ટિવા ચોરાઈ ગયાની પોલીસમાં ફરિયાદ કરવામાં આવી હતી. સિટી બી ડિવિઝનના પીઆઈ પી.પી. ઝાની સૂચનાથી સર્વેલન્સ સ્ટાફે તપાસ શરૂ કરી હતી.
તે દરમિયાન સ્ટાફના સાજીદ, મયુરરાજસિંહને મળેલી બાતમીના આધારે સ્વામીનારાયણનગરમાં મામાના મંદિર પાસેથી કાયદાથી સંઘર્ષિત એક કિશોર ઉપરોક્ત ચોરાઉ એક્ટિવા સાથે મળી આવ્યો હતો. તેણે આ વાહન સમૃદ્ધિ એપાર્ટમેન્ટના પાર્કિંગમાંથી ચોર્યાની કબૂલાત આપી છે. પોલીસે સ્કૂટર કબજે કરી આ કિશોરના વાલીને નોટીસ આપી છે.
જામનગરની ડેન્ટલ કોલેજ પાસેથી એક વિદ્યાર્થીનું જીજે-૩૩-ઈ ૭૩૫૦ નંબરનું હીરો મોટરસાયકલ બે સપ્તાહ પહેલાં ચોરાઈ ગયું હતું. તેની પણ ચાલી રહેલી તપાસમાં સિટી બી ડિવિઝનના સાજીદ બેલીમ, મયુરરાજસિંહને મળેલી બાતમીના આધારે રામેશ્વરનગર પાંચ બંગલા પાસેથી કાયદાથી સંઘર્ષિત એક કિશોરને ચોરાઉ બાઈક સાથે દબોચી લેવામાં આવ્યો છે. તેના વાલીને પણ નોટીસ અપાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
