Author: નોબત સમાચાર
વિશ્રામ વાડી પાસેથી દારૂની પાંચ બોટલ સાથે એક ઝડપાયોઃ સપ્લાયરનું નામ ખૂલ્યું
ચેલા પાસે બોટલ, બાઈક મૂકી શખ્સ પલાયનઃ
જામનગર તા. ૧૦: જામનગરના વિશ્રામ વાડી હોલ પાસે આંગણવાડી નજીકથી ગઈકાલે સાંજે એક શખ્સને દારૂની પાંચ બોટલ સાથે પકડી લેવાયો છે. તેણે સપ્લાયરનું નામ આપ્યું છે. કલ્યાણ ચોકમાં દારૂની બે બોટલ સાથે એકની ધરપકડ કરાઈ છે. ઉપરાંત ચેલા પાસે એસઆરપી કેમ્પ રોડ પર એક શખ્સ દારૂ અને બાઈક મૂકી નાસી ગયો છે.
જામનગરના દિગ્વિજય પ્લોટ વિસ્તાર પાછળ આવેલા વિશ્રામ વાડી હોલ નજીકથી ગઈકાલે સાંજે જઈ રહેલા નયન રાજેશભાઈ ખાનીયા નામના શખ્સને પોલીસે શકના આધારે અટકાવી ચેક કરતા તેના કબજામાંથી ઈંગ્લીશ દારૂની પાંચ બોટલ મળી આવી હતી. આ શખ્સે બોટલ જીજ્ઞેશ ઉર્ફે રહીશ વિનોદભાઈ ખીચડા પાસેથી લીધી હોવાની કબૂલાત કરી છે.
જામનગરના કાલાવડ નાકા વિસ્તારની બહાર આવેલા કલ્યાણ ચોકમાંથી ગઈકાલે રાત્રે જડેશ્વર પાર્કમાં રહેતો મનોજ મુળજીભાઈ કણઝારીયા નામનો શખ્સ દારૂની બે બોટલ સાથે ઝડપાયો છે.
જામનગર-લાલપુર માર્ગ પર આવેલા ચેલા ગામ પાસે એસઆરપી કેમ્પ તરફ જવાના રસ્તા પરથી ગઈરાત્રે પસાર થતાં જીજે-૧૦-સીજે ૧૦૩૭ નંબરના મોટરસાયકલને પોલીસે શકના આધારે રોકાવ્યું હતું. તેના પરથી ઉતરીને તેનો ચાલક નાસી ગયો હતો. બાઈકમાંથી પોલીસને દારૂની બે બોટલ મળી આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
