Author: નોબત સમાચાર
કૃષ્ણનગરમાં ગાય સાથે કુકર્મ આચરનાર નરાધમ સામે ખુદ પોલીસ બની ફરિયાદી
રવિવારની રાત્રે બનેલા બનાવની ક્લિપ થઈ વાયરલઃ
જામનગર તા. ૧૦: જામનગરના કૃષ્ણનગર વિસ્તારમાં રવિવારે રાત્રે એક શખ્સે ગાય સાથે કુકર્મ આચર્યું હતું. તે બનાવ આ વિસ્તારના એક સીસીટીવીમાં કંડારાયો હતો તેની ક્લિપ ગઈકાલે વાયરલ થયા પછી પોલીસે બનાવની ખરાઈ કર્યા પછી ખુદ ફરિયાદી બની આ નરાધમ સામે ગુન્હો નોંધ્યો છે. ઉપરોક્ત બનાવે ગૌપ્રેમી જનતામાં રોષ મિશ્રિત ફીટકાર ફેલાવ્યો છે.
જામનગરના કૃષ્ણનગર વિસ્તારમાં આવેલી શેરી નં.૩માં એક મંદિર સામે રવિવારે રાત્રે એક ગાય ઉભી હતી. તે ગાય સાથે ચારેક વાગ્યે એમ્યુઝમેન્ટ પાર્ક નજીક સરસ્વતી સોસાયટીમાં શેરી નં.૩માં રહેતા જગદીશ પરબતભાઈ નસીત નામના પટેલ શખ્સે સૃષ્ટિ વિરૂદ્ધનું કૃત્ય આચર્યું હતું.
રાત્રિના સુમસામ પ્રહરમાં આ શખ્સે પોતાની વિકૃતિ વ્યક્ત કરી હતી અને ગાય સાથે કુકર્મ આચર્યું હતું. તે બનાવ આ સ્થળ પર મુકવામાં આવેલા સીસીટીવી કેમેરામાં કંડારાઈ ગયો હતો. તે પછી આ ક્લિપ ગઈકાલે સોશિયલ મીડિયામાં વાયરલ થતાં ખળભળાટ મચી ગયો છે.
ઉપરોક્ત ક્લિપ પોલીસના ધ્યાનમાં આવ્યા પછી પોલીસે તે ફૂટેજની ખરાઈ હાથ ધરી હતી. ત્યારપછી સિટી સી ડિવિઝન પોલીસ સ્ટેશનમાં જમાદાર આર.બી. બથવારે ખુદ ફરિયાદી બની નરાધમ જગદીશ પરબતભાઈ સામે ગુન્હો નોંધાવ્યો છે. સિટી સી ડિવિઝન પોલીસ સ્ટેશનમાં બીએનએસની કલમ ૨૯૯ તેમજ પશુ પ્રત્યે ઘાતકીપણાની કલમ ૧૧ (૧) (૩) હેઠળ નોંધાયેલા ગુન્હાની પીએસઆઈ એન.પી. જોષીએ તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
