Author: નોબત સમાચાર
જામનગરમાં મકાનમાં જુગટુ રમતા ત્રણ મહિલા સહિત સાત વ્યક્તિ પકડાયા
ઘોડીપાસાથી જુગાર રમતા પાંચ સપડાયાઃ
જામનગર તા. ૧૦: જામનગરના સુભાષપરા વિસ્તારમાં ગઈરાત્રે એક મકાનમાં જામેલી જુગારની મહેફિલ પર પોલીસે દરોડો પાડ્યો હતો. ત્યાં તીનપત્તી રમતા ચાર શખ્સ સહિત સાત વ્યક્તિ ઝડપાયા છે. રોકડ, સ્કૂટર મળી રૂ. ૭૭ હજાર ઉપરાંતનો મુદ્દામાલ કબજે લેવાયો છે. રણજીતનગર પાસે જૂના હુડકોમાંથી ઘોડીપાસા ખેલતા પાંચ શખ્સ ઝડપાઈ ગયા છે.
જામનગરના શંકરટેકરી વિસ્તારમાં આવેલા સુભાષપરા શેરી નં.૧માં એક મકાનમાં ગઈ રાત્રે જુગાર રમાતો હોવાની બાતમી પરથી સિટી સી ડિવિઝનના સ્ટાફે એક વાગ્યે સાગર કાંતિભાઈ દેવીપૂજક નામના શખ્સના મકાનમાં દરોડો પાડ્યો હતો.
ત્યાં સાગરને નાલ આપી ગંજીપાના વડે જુગાર રમતા શંકર વીરાભાઈ પરમાર, સુરેશ નારણભાઈ ઠાકેડા, જીતુ બુધાભાઈ સોલંકી, તેજલબેન સાગરભાઈ, સુનિતાબેન કિશોરભાઈ ઠાકેડા, લાભુબેન જીતુભાઈ સોલંકી નામના છ વ્યક્તિ મળી આવ્યા હતા. પટમાંથી રૂ. ૪૭,૮૫૦ રોકડા, એક સ્કૂટર મળી કુલ રૂ. ૭૭,૮૫૦નો મુદ્દામાલ કબજે કરાયો છે. સાતેય સામે જુગારધારાની કલમ ૪, ૫ હેઠળ ગુન્હો નોંધાયો છે.
જામનગરના રણજીતનગર પાસે જૂના હુડકોમાં મકાન નં.૧૦૦૭ પાસે ગઈકાલે સાંજે ઘોડીપાસા વડે જુગાર રમી રહેલા વિપુલ લાલશંકર લવા, વિજયસિંહ દેવુભા રાઠોડ, નરેશ રેણુમલ તખ્તાણી, અલ્કેશ રામજીભાઈ થડોડા, કમલેશ જયેશભાઈ ઉપાધ્યાય નામના પાંચ શખ્સ પોલીસના દરોડામાં ઝડપાઈ ગયા હતા. રૂ. ૧૫, ૬૦૦ રોકડા કબજે કરવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
