Author: નોબત સમાચાર
આશીર્વાદ દીપ સોસાયટીમાં રાત્રે જામેલી જુગારની મહેફિલ પર પોલીસનો દરોડો
તરસાઈ તથા લાલપુરમાંથી પાંચ પત્તાપ્રેમી પકડાયાઃ
જામનગર તા. ૧: જામનગરની આશીર્વાદદીપ સોસાયટીમાં શનિવારની રાત્રે ગંજીપાના વડે જુગાર રમતા ચાર મહિલા સહિત પાંચ પકડાયા હતા. જામજોધપુરના તરસાઈમાંથી ત્રણ પત્તાપ્રેમી અને લાલપુરમાંથી બે પત્તાપ્રેમીની ધરપકડ કરાઈ હતી.
જામનગરના રણજીત સાગર રોડ પર આવેલી આશીર્વાદ દીપ સોસાયટીમાં શનિવારે રાત્રે જુગારની મહેફિલ જામી હોવાની બાતમી ૫રથી સીટી એ ડિવિઝનના સ્ટાફે પીઆઇ એન.એ. ચાવડાની સૂચનાથી દરોડો પાડ્યો હતો.
આ સ્થળે જાહેરમાં ગંજીપાના વડે જુગાર રમી રહેલા પ્રશાંત દેવશીભાઈ નનેરા, નયનાબેન રાજુભાઈ બુધ, ગીતાબેન પ્રકાશભાઈ બોરખતરીયા, પુનમબેન વિનોદભાઈ મંગે, સવિતાબેન માલદેભાઈ નંદાણીયા નામના પાંચ વ્યક્તિ મળી આવ્યા હતા. પોલીસે પટમાંથી રૂપિયા ૧૬ ૭૦૦ રોકડા કબજે કરી ચાર મહિલા સહિત પાંચેય સામે ગુન્હો નોંધ્યો છે.
લાલપુરમાં આવેલી ઢાંઢર નદીના કાંઠે બાવળની જાળીઓમાં રવિવારની સવારે ગંજીપાના વડે જુગાર રમી રહેલા હસમુખ મગનભાઈ સાદરીયા, દિપક ઉર્ફે નથુ પ્રભુદાસ ગોહિલ નામના બે શખ્સને પોલીસે પકડી પાડી પટમાંથી રૂપિયા ૫૨૦ રોકડા કબજે કર્યા છે.
જામજોધપુર તાલુકાના તરસાઈ ગામમાં નવાપરા વિસ્તારમાં ગઈકાલે બપોરે તીનપત્તી રમતા ભરત ઉર્ફે કારા ઘેલાભાઈ મકવાણા, અશ્વિન દેવરાજભાઈ ઝીંઝુવાડીયા, વનરાજ કારાભાઈ લુદરીયા નામના ત્રણ શખ્સને પોલીસે પકડી પાડ્યા હતા. રૂ.૧૮૮૦ રોકડા પટમાંથી કબજે કરી પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
