Author: નોબત સમાચાર
દ્વારકાના વસઈ તથા શિવરાજપુર ગામમાંથી મળી આવી દારૂની બોટલ તથા બીયરના ટીન
ઝડપાયેલા શખ્સે ત્રણ ભાગીદારના નામ આપ્યાઃ
જામનગર તા. ૧: દ્વારકા નજીક વસઈ ગામ પાસે બાવળ ની ઝાળીઓમાંથી પોલીસે દારૂની ૧૬૩ બોટલ અને બીયરના ૩૬ ટીન કબજે કર્યા છે. ઝડપાયેલા આરોપીએ પોતાના ત્રણ ભાગીદારના નામ આપ્યા છે. શિવરાજપુરમાં એક મકાનમાંથી દારૂની ૨૧ બોટલ અને ૧૮ ટીન બીયર પકડાઈ ગયો છે. ખંભાળિયામાં એક મકાનમાં ચાર બોટલ મળી છે.
દ્વારકા તાલુકાના વસઈ ગામ પાસે બાવળની ઝાળીઓમાં દારૂનો જથ્થો સંતાડીને રાખવામાં આવ્યો હોવાની બાતમી પરથી શનિવારે દ્વારકા પોલીસે દરોડો પાડી તલાશી લેતાં બાવળની ઝાળીઓમાંથી ભારતીય બનાવટના અંગ્રેજી શરાબની ૧૬૩ બોટલ તથા બીયરના ૩૬ ટીન મળી આવ્યા હતા. સ્થળ પરથી ગઢેચી ગામના રામભા બબાભા સુમણીયાની ધરપકડ કરાઈ છે.
આ શખ્સની પૂછપરછ હાથ ધરાતા તેણે દ્વારકાના મોડભા મેરૂભા માણેક, સુનિલ મેરૂભા, કરણ ટપુભા સાથે મળી દારૂનો જથ્થો વેચાણ માટે મંગાવ્યો હોવાની કબૂલાત કરી છે.
દ્વારકા નજીક શિવરાજપુર ગામમાં શનિવારે બપોરે દ્વારકા પોલીસે વિમલભા બાલુભા સુમણીયા નામના શખ્સના મકાનમાં દરોડો પાડી તલાશી લેતા ત્યાંથી અંગ્રેજી શરાબની ૨૧ બોટલ તથા બીયરના ૧૮ ટીન મળી આવ્યા હતા.
ખંભાળિયાના હર્ષદપુર ગામમાં રવિરાજસિંહ ચતુરસિંહ જાડેજા નામના શખ્સના મકાનમાંથી પોલીસે ઈંગ્લીશ દારૂની ચાર બોટલ કબજે લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
