Author: નોબત સમાચાર
દેશી-વિદેશી દારૂ પકડવા પોલીસના દરોડા
જામનગર તા. ૧: લાલપુરના ઝાખર ગામના પાટિયા પાસેથી પોલીસે દારૂની ત્રણ બોટલ સાથે એક શખ્સની ધરપકડ કરી છે. વલ્લભનગરમાંથી બોટલ સાથે એક ઝડપાયો છે. લાલપુરના પીપળી ગામ સહિતના અન્ય દરોડાઓમાં દેશી દારૂ તથા આથો સહિતનો મુદ્દામાલ પોલીસે કબજે કરી લીધો છે.
લાલપુર તાલુકાના ઝાખર ગામના પાટિયા પાસેથી શનિવારે રાત્રે દોઢેક વાગ્યે જઈ રહેલા મૂળ ઉત્તરપ્રદેશના જોનપુર જિલ્લાના વતની અને હાલમાં જોગવડમાં રહેતા વિજય વિરેન્દ્રકુમાર સિંગ નામના શખ્સને મેઘપર પોલીસે રોકાવી ચેક કરતા તેના કબજામાંથી દારૂની ત્રણ બોટલ મળી આવી હતી.
જામનગરના શંકરટેકરી પાસે વલ્લભનગરના વાલ્મિકી વાસમાંથી નરેશ અનિલભાઈ રાઠોડ નામના શખ્સને પોલીસે દારૂની એક બોટલ સાથે પકડી લીધો છે.
જામનગર તાલુકાના સૂર્યપરા ગામમાં જહુબેન કેશુભાઈ સાડમીયા નામના મહિલાના ઘરના ફળીયામાંથી પોલીસે દેશી દારૂની ભઠ્ઠી પકડી પાડી છે. જ્યારે કાલાવડના મચ્છલીવડ ગામમાં શક્તિસિંહ નિરૂભા જાડેજા નામના શખ્સના ખેતર સ્થિત ઓરડી પાછળથી અઢીસો લીટર આથો કાલાવડ ગ્રામ્ય પોલીસે ઝબ્બે લીધો છે.
જામનગરના રણજીત સાગર રોડ પર મારવાડીવાસમાં ડાહીબેન ધનાભાઈ ભાટી નામના મહિલાની દેશી દારૂની ભઠ્ઠી ઝડપાઈ ગઈ છે. દરેડ ગામમાં કુંવરબેન વેજાભાઈ ગુજરીયા નામના મહિલાના ઝૂંપડામાંથી પણ દેશી દારૂની ભઠ્ઠી પકડાઈ છે. ઉપરાંત મોડપર ગામના રામીબેન કરમણભાઈ ઘોડાના ઝૂંપડામાં દારૂ તથા આથો મળ્યા છે.
લાલપુર તાલુકાના પીપળી ગામમાં પૂના ખીમસુર ગુજરીયા નામના શખ્સની દેશી દારૂની ભઠ્ઠી પર લાલપુર પોલીસે દરોડો પાડતા ત્યાંથી દારૂ, આથો, ભઠ્ઠીના સાધનો મળી આવ્યા હતા. આરોપી પૂના ખીમસુર નાસી ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
