Author: નોબત સમાચાર
હાલાર સહિત નવ જિલ્લાઓમાં વરસાદનું રેડ એલર્ટઃ અતિભારે વરસાદની આગાહી
સાયકલોનિક સરક્યૂલેશન સક્રિય થતા
અમદાવાદ તા. ૧: સૌરાષ્ટ્ર અને દક્ષિણ ગુજરાતના ભાગોમાં મેઘરાજા ધોધમાર વરસી રહ્યો છે, તે ઉપરાંત રાજ્યમાં આગામી ચાર દિવસ સાર્વત્રિક વરસાદની હવામાન વિભાગે આગાહી કરી છે.
હવામાન વિભાગની આગાહી મુજબ કચ્છ, જામનગર, દ્વારકા, જુનાગઢ, પોરબંદર, સુરત, નવસારી, વલસાડ, દમણ અને દાદરાનગર હવેલીમાં રેડ એલર્ટ જાહેર કરવામાં આવ્યું છે. બનાસકાંઠા, પાટણ, મોરબી, રાજકોટ, અમરેલી, ભાવનગર, ગીરસોમનાથ, ભરૂચ, વડોદરા, નર્મદા, દાહોદ, પંચમહાલ, તાપી, ડાંગમાં ઓરેન્જ એલર્ટ જાહેર કરાયું છે.
હવામાન વિભાગ કહે છે કે એક ટ્રકે ઉત્તર પૂર્વ સમુદ્રથી દક્ષિણ ગુજરાતના દરિયાકાંઠેથી ઉત્તર પશ્ચિમ બિહાર થઈને મધ્ય પ્રદેશ સુધી સરેરાશ દરિયાની સપાટીથી પ.૮ કિમી ઉપર ચક્રવાતી પરિભ્રમણ પાર કરે છે. તો એક ચક્રવાતી પરિભ્રમણ ઉત્તર ગુજરાત અને પડોશમાં સરેરાશ દરિયાની સપાટીથી ૩.૧ અને ૪.પ કિમીની વચ્ચે આવેલું છે. આ બાજુ સૌરાષ્ટ્ર અને કચ્છને અડીને આવેલા ઉત્તર પૂર્વ સમુદ્ર પરનું ચક્રવાતી પરિભ્રમણ હવે દરિયાની સપાટીથી સરેરાશ ૧.પ કિમી ઉપર કચ્છને અડીને આવેલા દક્ષિણ પૂર્વ પાકિસ્તાન પર છે.
હવામાન વિભાગ દ્વારા આજે સમગ્ર ગુજરાત રાજ્યમાં મેઘગર્જના સાથે હળવાથી મધ્યમ વરસાદની આગાહી કરી છે. આ સાથે રાજ્યના ઉત્તર અને મધ્ય ભાગને છોડીને અન્ય તમામ જિલ્લાઓમાં યલો એલર્ટ જારી કરવામાં આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
