Author: નોબત સમાચાર
ભીવંડીમાં વડીલ વંદના સાથે સન્માન સમારોહ અને મ્યુઝિકલ પ્રોગ્રામનું આયોજન
ઓશવાળ જીવન જયોત ચેરી. ટ્રસ્ટ દ્વારા
ભીવંડી તા. ર૬: ભીવંડીના ઓશવાળ જીવન જયોત ચેરીટેબલ ટ્રસ્ટ દ્વારા ઓશવાળ સમાજના વડીલોનું સન્માન કરવા વડીલ વંદના કાર્યક્રમનું આયોજન તા. ર૮-૭-ર૪ ના બપોરે ૩ વાગ્યાથી ન્યુ ઓશવાળ દિપ, અંજુર ફાટા, ભીવંડીમાં કરવામાં આવ્યું છે.
જેમાં ઓશવાળ સમાજના વડીલોની વંદના સાથે વ્યક્તિ વિશેષ અને દાતાઓનું સન્માન કરવાનો સમારોહ પણ યોજાશે. સમગ્ર કાર્યક્રમ સાથે કરાઓકે સંગાથે ગીત-સંગીતનો મ્યુઝીકલ પ્રોગ્રામ પણ યોજાશે. વડીલોના વકતવ્ય, જુના સંભારણા રજુ થશે. વડીલો માટે ગેઈમ્સ રમાડાશે. વડીલો પણ ગીતો રજુ કરશે મહાનુભાવોનું સ્પેશ્યલ સન્માન કરવા સાથે કાર્યક્રમના દાતા પરિવારોનું પણ સન્માન કરવામાં આવશે. બિપિનભાઈ હરીયાનો કરાઓકે સાથે કાર્યક્રમ રજુ થશે. મનોરંજન કાર્યક્રમના કલાકારોને ગીફટ આપવામાં આવશે.
આ કાર્યક્રમનો આરંભ ચા-પાણીથી થશે અને સાંજે ચૌવિહાર જમણવાર થશે. આ કાર્યક્રમ અંગેની વધુ વિગતો તથા નામ નોંધણી માટે ઓશવાળ ચેરી. ટ્રસ્ટ, ઓશવાળ સ્કૂલની બાજુમાં, કામદાર રોડ, અંજર ફાટા, ભીવંડી (સવારે ૧૦ થી ૧ વાગ્યા સુધી)નો સંપર્ક કરવા અને સુરેશ રાયચંદ ગડા (ટીંબડી) (૯૪રર૦ ૭પ૪પ૮), કાંતિલાલ મોતીચંદ સાવલા (ચેલા) (૯૯૭૦ર ર૭૦ર૯) અને રમણીકલાલ ઝવેરચંદ હરીયા (ટીંબડી) તેમજ અન્ય સભ્યોએ કાર્યક્રમ માણવા ઓશવાળ સમાજના જ્ઞાતિજનોને અનુરોધ કર્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
