Author: નોબત સમાચાર
જી.જી. હોસ્પિટલના હ્યુુમન ગ્રોથના ૩પ બાળકો માટે જરૂરી ઈન્જેકશન્સનો જથ્થો ફાળવાયો
ધારાસભ્ય રિવાબા જાડેજાએ રાજ્યના આરોગ્યમંત્રીને રજુઆત કરતા
જામનગર તા. ર૬: ધારાસભ્ય રિવાબા જાડેજાના પ્રયાસોથી જી.જી. હોસ્પિટલમાં બાળકોને હ્યુમન ગ્રોથના અતિ કિંમતી ઈન્જેકશનનો રાજ્ય સરકારમાંથી મળતા થયા છે.
જામનગરની સરકારી જી.જી. હોસ્પિટલમાં બાળકોને હ્યુમન ગ્રોથના ઈન્જેકશન આપવાના થતાં હોય છે, અને તે ઈન્જેકશન સાત હજાર રૂપિયાની કિંમતના હોય છે, જે ઈન્જેકશન પ્રતિ બાળકને મહિનામાં ત્રણ વખત આપવાનું થાય છે, અને જામનગરની જી.જી. હોસ્પિટલમાં આ પ્રકારના ૩પ બાળ દર્દીઓ છે. જે ઈન્જેકશનની હાલ જામનગરની સરકારી જી.જી. હોસ્પિટલમાં કમી વર્તાઈ રહી હોવાથી જામનગરના ૭૮-વિધાનસભા વિસ્તારના ધારાસભ્ય રિવાબા જાડેજાને જાણકારી મળી હતી. તે પછી તેઓ તુરત જ જી.જી.હોસ્પિટલે પહોંચ્યા હતાં, અને સમગ્ર મામલાને ગંભીરતા લઈને તેઓએ તુરત જ ગુજરાત રાજ્યના આરોગ્ય મંત્રી ઋષિકેશભાઈ પટેલનો સંપર્ક સાધ્યો હતો, અને જામનગરની જી.જી.હોસ્પિટલ માટે હ્યુમન ગ્રોથ પ્રકારના ઈન્જેકશનનો જથ્થો પ્રાપ્ત થયો તેવી રજૂઆત કરી હતી.
જે માંગણી આરોગ્યમંત્રી દ્વારા પણ તુરત જ માન્ય રખાઈ હતી, અને એકીસાથે ૩પ બાળકોને આપી શકાય તેટલા તમામ ઈન્જેકશનનો જથ્થો તાત્કાલિક અસરથી જામનગરની સરકારી જી.જી. હોસ્પિટલમાં પહોંચતો કરવામાં આવ્યો હતો.
ગઈકાલે સવારે ઈન્જેકશનનો જથ્થો જામનગરમાં આવી જતાં તેના જરૂરિયાતમંદ બાળકોને જી.જી.હોસ્પિટલમાં બોલાવી લેવામાં આવ્યા હતા, અને ધારાસભ્ય રિવાબા જાડેજાની ઉપસ્થિતિમાં જ જરૂરિયાતમંદ બાળકોને ઉપરોકત ઈન્જેકશન આપવામાં આવ્યા હતાં. જેથી બાળકો અને તેમના વાલીઓએ ધારાસભ્યનો આભાર વ્યકત કર્યો હતો.
રાજ્ય સરકાર દ્વારા પણ પ્રત્યેક બાળકને દર મહિને જરૂરિયાત મુજબના ઈન્જેકશન મળી જાય, તે પ્રમાણે ઈન્જેકશનનો જથ્થો જામનગરની જી.જી. હોસ્પિટલમાં પહોંચાડવા માટેની પણ વ્યવસ્થા ગોઠવી આપવામાં આવી છે. આ સમગ્ર પ્રક્રિયામાં ત્વરિત કાર્યવાહી કરી જામનગરની જી.જી. હોસ્પિટલના બાળ દર્દીઓના હિતમાં યોગ્ય નિર્ણય કરવા માટે ધારાસભ્ય રિવાબા જાડેજાએ આરોગ્ય મંત્રી ઋષિકેશભાઈ પટેલની પ્રશંસા પણ કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
