Author: નોબત સમાચાર
શાળા નં. ૧૦ માં ગુરૂવંદન છાત્ર અભિનંદન
જામનગર તા. ર૬: ભારત વિકાસ પરિષદ જામનગરના સહયોગથી શાળા નં. ૧૦ માં ગુરૂ વંદના છાત્ર અભિનંદન કાર્યક્રમ યોજાયો હતો. ગુરૂ કાર્યક્રમ અંતર્ગત શાળાની વિદ્યાર્થીનીઓ દ્વારા ગુરૂઓનું પૂજન કરવામાં આવ્યું હતું. શિક્ષણ ક્ષેત્રની સેવા માટે શાળાના આચાર્ય સંજયભાઈ ચાંદ્રા તેમજ શ્રેષ્ડ શિક્ષક તરીકે કેશવજીભાઈ નારણભાઈ સોનગરા અને વ્યાસ રવિભાઈને સન્માનિત કરવામાં આવ્યા હતાં. છાત્ર અભિનંદન અંતર્ગત ધો. ૧ થી ૮માં પ્રથમ ક્રમ પ્રાપ્ત કરનાર વિદ્યાર્થીનીઓને પ્રમાણપત્ર આપી સન્માનિત કરવામાં આવી હતી. શાળાના આચાર્ય દ્વારા પ્રાસંગિક ઉદ્બોધન કરવામાં આવ્યું હતું.
ભારત વિકાસ પરિષદના પૂર્વ પ્રમુખ ડી.ડી.સોનગરા દ્વારા સંસ્થાનો પરિચય, તેની સેવાકીય પ્રવૃત્તિઓ, પ્રકલ્પો તેમજ સંસ્થાકીય કાર્ય યોજનાઓ વિશે વિવરણાત્મક માહિતી આપવામાં આવી હતી. સંસ્થાના સંગઠન મંત્રી સુરેશભાઈ બારડ દ્વારા ગુરૂપૂર્ણિમાનું મહત્ત્વ તેમજ ગુરૂ શિષ્યના પવિત્ર સંબંધ વિશે માહિતી આપવામાં આવી હતી. આ તકે શાળાની વિદ્યાર્થીનીઓ દ્વારા ગુરૂપૂર્ણીમા વિશે વ્યાખ્યાન આપવામાં આવ્યું હતું. વસંતબેન, હેમલતાબેન તેમજ સમગ્ર શિક્ષણ ગણે કાર્યક્રમને સફળ બનાવવા જહેમત ઉઠાવી હતી. કાર્યક્રમના અંતે જાનુબેન બારડ દ્વારા આચાર્ય, શિક્ષક ગણ તેમજ વિદ્યાર્થીની બહેનોને શપથ લેવડાવી ભારત માતાના જયઘોષ સાથે કાર્યક્રમની પૂર્ણાહુતિ કરવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
