Author: નોબત સમાચાર
ફલ્લા પાસે સ્કૂટરમાંથી મળી ઈંગ્લીશની નવ બોટલઃ તળાવની પાળેથી બોટલ ઝબ્બે
નાની લાખાણીમાંથી દસ બોટલ સાથે બે પકડાયાઃ
જામનગર તા. ૨૬: જામનગરમાં તળાવની પાળના પાછળના ભાગમાંથી દારૂની બે બોટલ સાથે જતો શખ્સ ઝડપાયો છે. ફલ્લા પાસેથી સ્કૂટરમાં દારૂની નવ બોટલ લઈને જતાં નગરના બે શખ્સની ધરપકડ કરાઈ છે. નાની લાખાણી ગામમાંથી બાઈકમાં દસ બોટલ લઈને જતાં બે શખ્સ પોલીસના સકંજામાં આવ્યા છે.
જામનગરના રણમલ તળાવના પાછળના ભાગ પાસે આવેલી પીત્ઝા શોપ નજીકની ગલીમાંથી ગઈરાત્રે પસાર થઈ રહેલા દિગ્વિજય પ્લોટની શેરી નં.૧૭માં પરમ એપાર્ટમેન્ટમાં રહેતા વિમલ રાજેશભાઈ મહેતા નામના વણિક શખ્સને પેટ્રોલિંગમાં રહેલા સિટી એ ડિવિઝનના સર્વેલન્સ સ્ટાફે શકના આધારે રોકાવી તલાશી લીધી હતી. આ શખ્સના કબજામાંથી અંગ્રેજી શરાબની બે બોટલ મળી આવી હતી. પોલીસે બોટલ કબજે કરી ગુન્હો નોંધ્યો છે.
જામનગર તાલુકાના નાની લાખાણી ગામમાં ગઈરાત્રે મોટરસાયકલમાં દારૂની હેરાફેરી થતી હોવાની બાતમી પરથી પંચકોશી એ ડિવિઝન પોલીસ સ્ટાફે વોચ રાખી હતી.
તે દરમિયાન સૂઝુકી કંપનીના બર્ગમેન મોટરસાયકલ પર જઈ રહેલા બે શખ્સને રોકી લેવાયા હતા. જામનગરના સિદ્ધાર્થનગરમાં રહેતા મનોજ બિજલભાઈ વઘોરા તથા સાગર રામજીભાઈ માંગલીયા નામના આ શખ્સો પાસેથી દારૂની દસ બોટલ મળી આવી હતી. પોલીસે બોટલ તથા બાઈક કબજે કરી બંને શખ્સની ધરપકડ કરી છે.
જામનગર-રાજકોટ માર્ગ પર ફલ્લા ગામ પાસે સ્કૂટરમાં દારૂ લઈ જવાતો હોવાની બાતમી મળતા ગઈકાલે રાત્રે પંચકોશી-એ ડિવિઝનના સ્ટાફે વોચ રાખી હતી. ત્યાંથી જઈ રહેલા જીજે-૩૭-એન ૬૪૩ર નંબરના જ્યુપીટર સ્કૂટરને શકના આધારે રોકવામાં આવ્યું હતું. તેની તલાશી લેવાતા જામનગરના કોમલનગરમાં રહેતો હિતેશ ભીમજીભાઈ ભાંભી, ભીમવાસમાં રહેતો રામ રાજાભાઈ મુદલીયાર નામના બે શખ્સ પાસેથી દારૂની નવ બોટલ સાંપડી હતી. પોલીસે બોટલ તથા સ્કૂટર કબજે કરી આગળની કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
