Author: નોબત સમાચાર
અખિલ ગુજરાત બ્લોચ-મકરાણી સમાજના રાજયકક્ષાના મહાસંમેલનનું આયોજન
રાજકોટના આંગણે ગત્ રવિવારે પ્રથમ વખત
જામનગર તા. ૮: રાજકોટમાં ગત્ રવિવારે બ્લોચ-મકરાણી સમાજના સૌપ્રથમ રાજ્યકક્ષાના ઐતિહાસિક મહાસંમેલનનું આયોજન કરાયું હતું. બ્લોચ-મકરાણી સમાજને સામાજિક, શૈક્ષણિક, આર્થિક રીતે વિકાસ સહિતના મુદ્દે વિચાર-વિમર્શ અને વિસ્તૃત ચર્ચા-વિચારણા કરવા ગુજરાત, એમ.પી., મહારાષ્ટ્રમાંથી બ્લોચ-મકરાણી સમાજના વિવિધ ક્ષેત્રો સાથે સંકળાયેલા સમાજના શ્રેષ્ઠીઓ સહિત જ્ઞાતિજનો વિશાળ સંખ્યામાં ઉપસ્થિત રહ્યાં હતાં. આ મહાસંમેલનનો મુખ્ય હેતુ શિક્ષણને લગતી બાબતો અંગે ચિંતન દિની-દુન્યાવી તાલીમ, બ્લોચ-મકરાણી સમાજના વિદ્યાર્થી-વિદ્યાર્થિનીઓ માટે હોસ્ટેલ તથા ટેકનિકલ શિક્ષણ સંસ્થા બનાવવાનું આયોજન, સમાજના વિદ્યાર્થી-વિદ્યાર્થિનીઓને સરકારી નોકરી માટે સ્પર્ધાત્મક પરીક્ષા માટે માર્ગદર્શક ક્લાસીસ દ્વારા માર્ગદર્શન પૂરૃં પાડવું.
સમાજને આર્થિક રીતે સદ્ધર કરવા આર્થિક ભંડોળ ઊભું કરવા આયોજન, સમાજના અંદરો-અંદરના વાદ-વિવાદ પૂરા કરાવી સમાજે સંગઠીત કરી એકમંચ પર લાવવા સમાધાન પંચ નિમવા, સમાજમાં પેઢી ગયેલા કુરીવાજોને દૂર કરી સમાજમાં પરિવર્તન લાવવા, સમાજ સુસુપ્ત અવસ્થામાં હોય, લોકશાહી ઢબે સમાજના પ્રમુખ, હોદ્દેદારોની વરણી કરવા, સમાજને ટ્રસ્ટ તરીકે રજીસ્ટ્રેશન કરાવવા તથા ટ્રસ્ટ-બોડીની રચના સહિતના મુદ્દાઓ અંગે ચર્ચા કરવામાં આવી હતી.
ઐતિહાસિક સંમેલન સમારોહના અંતે ગુજરાત બ્લોચ-મકરાણી સમાજના પ્રમુખ તરીકે જહાંગીર ખાન બ્લોચ (વેરાવળ) અને અખીલ ગુજરાત યુવા બ્લોચ મકરાણી સમાજના પ્રમુખ તરીકે અર્ષમાનખાન બ્લોચ (બુઢણા) ની સર્વાનુમત્તે વરણી કરવામાં આવી હતી. મહાસંમેલનમાં ઉપસ્થિત સમાજના હજ્જારો લોકોએ આ વરણીને હર્ષભેર આવકારી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
