Author: નોબત સમાચાર
જામનગરના આસામીએ બીજાની પેઢીના નામે અઢી હજાર કિલો ભંગાર ખરીદ્યો!
કારખાનેદારે વિશ્વાસઘાત કરાયાની નોંધાવી ફરિયાદઃ
જામનગર તા.૮ : જામનગરમાં કારખાનુ ચલાવતા એક પરપ્રાંતીય આસામી પાસેથી દોઢેક વર્ષ પહેલાં નગરના એક શખ્સે ઉધારમાં બ્રાસપાર્ટનો ભંગાર ખરીદ્યા પછી તેની અડધી રકમ ચુકવી પેઢીનું બીલ અને જીએસટી નંબર મેળવ્યા હતા. તે પછી બીજી પેઢીનો ચેક લાવી તેમાં આ પેઢીના જીએસટી નંબર વગેરે લખી અન્ય કારખાનામાંથી અઢી હજાર કિલો ભંગાર મેળવી બાકી રકમ નહીં ચૂકવતા પોલીસમાં વિશ્વાસઘાત-છેતરપિંડી અંગે ફરિયાદ કરાઈ છે.
જામનગરના દિગ્વિજય પ્લોટ વિસ્તારની શેરી નં.૬૦માં ધનિષ રેસીડેન્સીમાં વસવાટ કરતા મૂળ મધ્યપ્રદેશના અલીરાજપુર જિલ્લાના વતની અને શંકરટેકરી ઉદ્યોગનગરમાં એે-૨૯ નંબરના પ્લોટમાં મોદી મેટલ્સ નામનું કારખાનુ ચલાવતા અંતિમ ઠાકોરદાસ મોદી નામના કારખાનેદારે પોલીસમાં ફરિયાદ કરી છે.
તેઓએ જામનગરના ખોડિયારકોલોની વિસ્તાર પાસે ૮૦ ફૂટ રીંગ રોડ પર આશિષ એવન્યુમાં વસવાટ કરતા અને બ્રાસપાર્ટના ભંગારના વ્યવસાય સાથે સંકળાયેલા સાગર કાળુભાઈ નંદાણીયા વિરૂદ્ધ ફરિયાદ નોંધાવી તેમાં જણાવ્યું છે કે, સાગરે વર્ષ ૨૦૨૩ના જુલાઈ મહિના પછી અંતિમભાઈ પાસેથી બ્રાસપાર્ટ ભંગારની ખરીદી કરી હતી. તેના અડધા પૈસા ચૂકવી મોદી મેટલ્સનું બીલ તથા જીએસટી નંબર પ્રાપ્ત કર્યા હતા.
ત્યારપછી બાકીના પૈસા ચૂકવવાના બદલે અન્ય પેઢીના નામનો ચેક સાગરે આપ્યો હતો અને તેમાં પોતાની સહી કરી આશાપેરા મેટલ નામની પેઢીમાં ચેક આપી મોદી મેટલ્સના નામથી અઢી હજાર કિલો ભંગાર ખરીદી લીધો હતો. આ શખ્સે બાકી નીકળતા પૈસા દોઢેક વર્ષ સુધી નહીં ચૂકવી તેઓની સાથે વિશ્વાસઘાત, છેતરપિંડી કરી છે. પોલીસે આઈપીસી ૧૨૦ (બી), ૪૦૬, ૪૨૦, ૪૬૮ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
