Author: નોબત સમાચાર
જામનગરમાં ગેલેકસી સિનેમાના માર્ગે ગેરકાયદે ફરીથી ખડકાયેલી ૧૨ દુકાનો તોડી પડાઈ
મહાનગર૫ાલિકાના અધિકારીઓની હાજરીમાં ઓપરેશન ડિમોલીશન
જામનગરમાં જુના રેલવે સ્ટેશન સાઈડીંગ, ગેલેક્સી સિનેમા માર્ગે ગેરકાયદે બાંધકામ કરવામાં આવેલી ૧૨ દુકાનોને આજે મહાનગરપાલિકા દ્વારા તોડી પાડવામાં આવી હતી. અગાઉ પણ આ જગ્યામાં ૧૫ દુકાનો તોડી પાડવામાં આવી હતી. તે જ જગ્યામાં ફરી વખત ગેરકાયદેસર દુકાનો બનાવાઈ હતી. તે દુકાનોને ફરી વખત તોડી પાડવામાં આવી છે. જામનગરમાં જુના રેલવે સ્ટેશન માર્ગે રેલવે સાઈડીંગ વિસ્તારમાં એક ટ્રસ્ટની જગ્યામાં એક આસામી દ્વારા ૧૨ દુકાનોનું મંજૂરી વગર બાંધકામ કરવામાં આવ્યું હતું. આ બાબતે મહાનગરપાલિકાના ધ્યાનમાં આવતા બાંધકામ ધારકને નોટીસ આપવામાં આવી હતી અને તેમાં લાંબી કાનૂની પ્રક્રિયા થવા પામી હતી. આખરે મહાનગરપાલિકાના કમિશ્નર ડી.એન. મોદીની સૂચનાથી આજે ઓપરેશન ડિમોલીશનની કામગીરી હાથ ધરવામાં આવી હતી. મહાનગરપાલિકાના ડીએમસી શ્રી ઝાલા ઉપરાંત અન્ય અધિકારીઓ મુકેશ વરણવા, એન.આર. દિક્ષિત, સુનિલ ભાનુશાળી, ઉર્મિલ દેસાઈ, જાડેજા સહિતના અધિકારીઓની સીધી દેખરેખ હેઠળ આજે સવારે બુલડોઝર, જેસીબી મારફત ઓપરેશન ડિમોલીશન હાથ ધરવામાં આવ્યું હતું, અને ગેરકાયદેસર બાંધકામ કરાયેલી દુકાનો તોડી પાડવામાં આવી હતી. વર્ષ ર૦ર૦ માં પણ આ જ જગ્યામાં ૧૫ દુકાનોનું ગેરકાયદે બાંધકામ કરવામાં આવ્યું હતું ત્યારે પણ આ ૧૫ દુકાનો તોડી પાડવામાં આવી હતી. આ પછી ફરી વખત અહીં ૧૨ દુકાનોનું ગેરકાયદેસર બાંધકામ કરવામાં આવ્યું હતું. જે અંગે કાનૂની લડાઈ પછી આજે ફરી વખત ઓપરેશન ડિમોલીશન હાથ ધરાયું હતું. અને ૧૨ દુકાનો તોડી પાડી આશરે ૫૫૦૦ ચો.ફૂટ જગ્યા ખૂલ્લી કરાવાઈ છે. આ સમયે ચુસ્ત પોલીસ બંદોબસ્ત રાખવામાં આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
