Author: નોબત સમાચાર
બેટ દ્વારકાથી પરત આવતા કેરળના પરિવારની મોટર સાથે ટ્રક ટકરાયોઃ પતિનું મૃત્યુ, પત્ની ઘવાયા
ભીમરાણા પાસે રોંગસાઈડમાં ધસી આવેલા ટ્રકે સર્જયો અકસ્માતઃ
મીઠાપુર તા.૮ : ઓખા મંડળમાં આવેલા ભીમરાણા ગામ પાસે ગઈકાલે બપોરે દ્વારકા તરફ જતી એક મોટર સાથે સામેથી રોંગસાઈડમાં આવી ચઢેલો ટ્રક કાળ બનીને ટકરાઈ પડ્યો હતો. આ અકસ્માતમાં દંપતી ખંડિત થયું છે. કેરળથી બેટ-દ્વારકા દર્શનાર્થ આવેલા પતિ-પત્ની અને તેમની મોટરના ડ્રાઈવરને અકસ્માત નડ્યો હતો. ઘવાયેલા મૃતકના પત્ની તથા મોટરચાલકને સારવારમાં ખસેડવામાં આવ્યા છે. અકસ્માતના બનાવના સ્થળે મોટર ભૂક્કો થઈ ગયેલી હાલતમાં પડી છે ત્યારે ત્યાં ચાલતા રોડના કામ વિશે પણ કેટલીક ચર્ચા થઈ રહી છે.
દેવભૂમિ દ્વારકા જિલ્લાના બેટ દ્વારકામાં દર્શનાર્થે કેરળના એક પરિવારના બે વ્યક્તિ મોટર માં ડ્રાઈવર સાથે આવ્યા હતા. જયાં તેઓએ ગઈકાલે સવારે દર્શન કર્યા પછી તેની મોટર ઓખાથી દ્વારકા તરફ જવા માટે રવાના થઈ હતી.
બપોરે ત્રણેક વાગ્યે જ્યારે તેમની મોટર ઓખામંડળમાં આવેલા મીઠાપુરથી બે કિલો મીટર દૂર જ્યારે ભીમરાણા પાસે સેન્ટમેરી સ્કૂલ નજીક પહોંચી ત્યારે રોંગસાઈડમાં ફૂલ સ્પીડમાં ધસી આવેલા એક ટ્રક સાથે ધડાકાભેર અકસ્માત સર્જાયો હતો.
આ અકસ્માતમાં મોટર ચલાવી રહેલા યુવાનને ઈજા થઈ છે. જ્યારે તેમની સાથે રહેલા કેરળના ઓબી વાસુદેવલ ભાસ્કરન નામના વ્યક્તિનું ગંભીર ઈજા થવાથી મૃત્યુ નિપજ્યું છે અને તેમના પત્નીને ઈજા થઈ છે.
અકસ્માતની જાણ થતાં ૧૦૮ તથા પોલીસ ટીમ દોડી આવી હતી. એમ્બ્યુલન્સમાં મોટરના ચાલક તથા મૃત્યુ પામનાર વ્યક્તિના પત્નીને સારવારમાં ખસેડવામાં આવ્યા હતા. જ્યાંથી વધુ સારવાર માટે જામનગર રીફર કરવામાં આવ્યા છે. પોલીસે ટ્રકચાલક સામે ગુન્હો નોંધવાની તજવીજ હાથ ધરી છે.
ઉલ્લેખનીય છે કે, રવિવારે અકસ્માતનો એક બનાવ આ વિસ્તારમાં બન્યા પછી ગઈકાલે મંગળવારે ફરીથી ગમખ્વાર અકસ્માત સર્જાતા અને તેમાં દંપતી ખંડિત થતાં ત્યાં ચાલી રહેલા રોડના કામ વિશે ચર્ચા ઉઠવા પામી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
