Author: નોબત સમાચાર
ગોવાણામાં ખેતરમાં પાણી ઘૂસી જવાના મુદ્દે શેઢા પાડોશીઓ વચ્ચે થઈ બબાલ
એક મહિલા સહિત બેને ઈજાઃ બંને પક્ષે નોંધાવી ફરિયાદઃ
જામનગર તા.૮ : લાલપુરના ગોવાણામાં બે શેઢા પાડોશી વચ્ચે ખેતરમાં પાણી આવવાના મુદ્દે ગઈકાલે મારામારી થઈ હતી. જેમાં એક મહિલા સહિત બેને ઈજા થઈ છે. બંને પક્ષે સામસામી ફરિયાદ નોંધાવી છે. પોલીસે બે ભાઈ તથા પિતા-પુત્ર સામે ગુન્હો નોંધી તપાસ હાથ ધરી છે.
લાલ૫ુર તાલુકાના મોવાણા ગામમાં રહેતા ભાવેશ સાજણભાઈ કરંગીયા નામના ખેડૂતે શેઢા પાડોશી ગોવિંદ રણમલભાઈ કરંગીયા તેમજ રણમલભાઈ મેપાભાઈ કરંગીયા નામના પિતા-પુત્ર સામે માર માર્યાની ફરિયાદ નોંધાવી છે. જેમાં તેઓએ જણાવ્યા મુજબ ઉપરોક્ત પિતા-પુત્રના ખેતરમાં પાણી ભાવેશભાઈના ખેતરમાં ઉગેલા જીરૂના પાકમાં આવી જતું હોવાથી તેઓને કહેવામાં આવતા પાણી તો આવશે જ તેમ કહી ગોવિંદભાઈ તથા રણમલભાઈ ધોકો તથા રાંપ વડે તૂટી પડ્યા હતા. આ શખ્સોએ વચ્ચે પડનાર ભાવેશભાઈના માતા અમરીબેનને પણ ઈજા કરી ગાળો ભાંડી હતી.
આ ફરિયાદની સામે ગોવિંદભાઈ રણમલભાઈ કરંગીયાએ વળતી ફરિયાદ કરી છે. જેમાં જણાવ્યા મુજબ ગઈકાલે સવારે ગોવાણા ગામની સીમમાં તેમના ખેતર પાસે ભાવેશ સાજણભાઈ અને હમીર સાજણભાઈ કરંગીયા નામના શેઢા પાડોશીઓએ તારા ખેતરનું પાણી અમારા ખેતરમાં કેમ આવે છે તેમ કહી ગાળો ભાંડી રાંપ તથા ધોકાથી હુમલો કરી માર માર્યાે હતો અને ગોવિંદ અને પિતા રણમલ ભાઈને હાથમાં ફ્રેક્ચર કરી નાખ્યું હતું. પોલીસે બંને ફરિયાદ રજીસ્ટરે લઈ ચારેય આરોપી સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
