Author: નોબત સમાચાર
બ્રાસપાર્ટનો મોટો ઓર્ડર અપાવવાનું કહી કારખાનેદાર સાથે કરાઈ ઠગાઈ
સાયબર હેલ્પલાઈન પર કરાઈ ફરિયાદઃ
જામનગર તા.૮ : જામનગરમાં કારખાનુ ધરાવતા એક આસામીને રૂ.૧૩ કરોડનો ઓર્ડર અપાવવાનું કહી ઈ મેઈલ મારફત સંપર્કમાં આવેલા શખ્સે રૂ.૧૩ લાખની છેતરપિંડી કરી લીધાનું સાયબર ક્રાઈમ હેલ્પ લાઈન પર ફરિયાદ કરાઈ છે.
જામનગરમાં કારખાનુ ધરાવતા મૂળ રાજકોટ જિલ્લાના ધોરાજીના વતની નિલેશ ગાંડુભાઈ ગઢીયા નામના આસામીના સંપર્કમાં ઈ-મેઈલ મારફત આફ્રિકન દેશનો ટોની મુસરી નામનો શખ્સ આવ્યો હતો.
આ શખ્સે હાર્ડવેર અંગે પૂછપરછ કર્યા પછી મોટો ઓર્ડર આપવાની વાત કરી નિલેશ ભાઈને લાલચમાં લીધા હતા. તેણે ફોરેક્સ એજન્ટ કોર્ટ રજી. ફી પેટે રકમ ભરવાની છે તેમ કહી જુદા જુદા બે ટ્રાન્ઝેકશનથી રૂ.૪,૯પ,૭૯૮ની રકમ ટ્રાન્સફર કરાવી હતી. તે પછી વધુ રૂ.૧૭ લાખ ભરવાના થશે તેમ કહી આ શખ્સે પોતાની ઝાળ વિસ્તારી હતી. રૂ.૧૩ કરોડથી વધુનો ઓર્ડર આપવાનું કહી આ શખ્સે રૂ.૧૩ લાખ નિલેશભાઈ પાસેથી મેળવી લીધા હતા.
અંતે પોતાની સાથે છેતરપિંડી થઈ રહી હોવાનું જણાઈ આવતા નિલેશભાઈએ સાયબર ક્રાઈમ પોલીસનો સંપર્ક કરી હેલ્પલાઈન નં.૧૯૩૦ પર ફરિયાદ નોંધાવી છે. સાયબર પોલીસે તપાસ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
