Author: નોબત સમાચાર
દેવભૂમિ દ્વારકા જિલ્લાની ઉચ્ચ પ્રાથમિક અને પીએમશ્રી શાળાના મહિલા નોડેલ શિક્ષકોને તાલીમ
સમગ્ર શિક્ષા દેવભૂમિ દ્વારકા હેઠળ
ખંભાળિયા તા. ૮: સમગ્ર શિક્ષા દેવભૂમિ દ્વારકા દ્વારા જિલ્લાની ઉચ્ચ પ્રાથમિક અને પીએમશ્રી શાળાના મહિલા નોડલ શિક્ષકોની માસિક સ્વચ્છતા અને વ્યવસ્થાપન અંગેની માર્ગદર્શક તાલીમ યોજાઈ હતી.
સમગ્ર શિક્ષા દેવભૂમિ દ્વારકા દ્વારા માર્ગદર્શિત અને જિલ્લા મદદનીશ કો. ઓર્ડીનેટર - ગર્લ્સ એજ્યુકેશન દ્વારા આયોજીત, જિલ્લા પ્રોજેક્ટ કો. ઓર્ડીનેટરની કચેરી, સમગ્ર શિક્ષા, જામ ખંભાળિયામાં એડોલેશન્ટ એજ્યુકેશન પ્રોગ્રામ અને એમએચએમ અંતર્ગત શાળાના નોડલ શિક્ષકની માર્ગદર્શક તાલીમનું આયોજન કરવામાં આવ્યું. જિલ્લાના ચારેય તાલુકાની સરકારી ઉચ્ચ પ્રાથમિક શાળા અને પીએમશ્રી શાળાના મહિલા નોડલ શિક્ષિકાઓને વિષયને અનુરૂપ જિલ્લાના વિવિધ વિભાગના નિષ્ણાંતો દ્વારા માહિતગાર કરવામાં આવ્યા.
જિલ્લા પ્રાથમિક શિક્ષણાધિકારી દેવભૂમિ દ્વારકા- મધુબેન ભટ્ટ દ્વારા દિપ પ્રાગટ્ય કરી તાલીમની શરૂઆત કરવામાં આવી. મધુબેન ભટ્ટ દ્વારા તાલીમાર્થી બહેનોને માર્ગદર્શન તેમજ વિષયને અનુરૂપ માહિતી આપવામાં આવી. જિલ્લા આરોગ્ય વિભાગ તરફથી ડો. પ્રજ્ઞાબેન વરુ, બાળ અને મહિલા વિભાગ માંથી દિવ્યાબેન બારડ તેમજ તેમની સમગ્ર ટીમ, સખી વન સ્ટોપ સેન્ટરની ટીમ, જિલ્લા સમાજ સુરક્ષા અધિકારી વૈશાલીબેન, જિલ્લા બાળ સુરક્ષા અધિકારી પ્રકાશભાઈ ખેરાળા, ખંભાળિયા નગરપાલિકાના જિમ ટ્રેનર રીનાબેન શેખાવા, ગ્રામ વિકાસ ટ્રસ્ટ - દ્વારકા ના પ્રોજેક્ટ કો. ઑ. ચૌહાણ શાલુબેન અને રૂપડીયા હેતલબેન, જિલ્લા મદદનીશ કો. ઓર્ડીનેટર પૂજાબેન, નોડલ શિક્ષક સપનાબેન રૂપારેલ દ્વારા વિષયાંગિક માહિતી આપવામાં આવી. આ તાલીમમાં નોડલ શિક્ષકને માસિક સ્ત્રાવ શું છે? સ્ત્રી પ્રજનન પ્રણાલી, માસિક સ્ત્રાવ દરમિયાન આરોગ્યપ્રદ સંચાલન અને સંતુલિત આહાર બાબતની જાગૃતિ સમાજમાં આવે તે બાબતે નોડલ શિક્ષકોને તાલીમ આપવામાં આવી. તેમજ માસિક વિશે ખૂલીને ચર્ચા કરવા અને મૌન તોડવા અંગે પણ માર્ગદર્શન આપવામાં આવ્યું.
સમગ્ર તાલીમનું આયોજન અને સંચાલન જિલ્લા પ્રોજેક્ટ કો. ઓર્ડીનેટર મધુબેન ભટ્ટના માર્ગદર્શન થી તેમજ જિલ્લા મદદનીશ કો. ઓર્ડીનેટર પૂજાબેન અને નોડલ શિક્ષક સપનાબેન રૂપારેલ દ્વારા કરવામાં આવ્યું. આ પ્રસંગે તમામ શાળાઓમાં એમએચએમ કિટનું પણ વિતરણ તેમજ તમામ તાલીમાર્થી મહિલા શિક્ષિકાઓને પ્રમાણપત્ર આપવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
