Author: નોબત સમાચાર
ચલણી નોટના નંબર પર એકીબેકી બોલી જુગાર રમતા બાર શખ્સ પકડાયા
શહેરના પાંચ સ્થળે પોલીસના દરોડાઃ
જામનગર તા. ૧: જામનગરના અંબર ચોકડી, વ્હોરાના હજીરા, નાગેશ્વર રોડ પર સ્મશાન પાસે અને બેડેશ્વર નજીક પુલ નીચે ગઈકાલે ચલણી નોટના નંબર પર એકીબેકી બોલી જુગાર રમતા બાર શખ્સને પોલીસે પકડી પાડ્યા છે.
જામનગરના અંબર ચોકડી વિસ્તારમાં ગઈકાલે સાંજે ચલણી નોટના નંબર પર એકી બેકી બોલી જુગાર રમતા મયુર મનુભાઈ બારીયા, જેઠાભાઈ નારણભાઈ મકવાણા નામના બે શખ્સને પોલીસે પકડી લઈ રૂ. ૧૩૫૦ કબજે કર્યા છે.
જામનગરના વ્હોરાના હજીરાથી આગળ ગઈકાલે સાંજે ચલણી નોટના નંબર પર એકીબેકી બોલતા ઝાકીર કાસમ દરજાદા, ભાવેશ દેવજીભાઈ બાંભણીયા નામના બે શખ્સને પોલીસે દબોચી લીધા હતા.
જામનગરના પવનચક્કી સર્કલ પાસે પેટ્રોલપંપની પાછળ ગઈકાલે સાંજે નોટના નંબર પર જુગાર રમતા વિપુલ નરભેરામ દુધરેજીયા, રમેશ મુળજીભાઈ ગેડા નામના બે શખ્સને પોલીસે રૂ. ૩૫૦ સાથે પકડી લીધા છે.
જામનગરના બેડેશ્વર ઓવરબ્રિજ નીચે ગઈકાલે સાંજે નોટના નંબર પર જુગાર રમતા ઝાકીર જુસબ ગોરી, રફીક હારૂન પરીથ નામના બે શખ્સ પોલીસના દરોડામાં પકડાઈ ગયા છે.
જામનગરના સુભાષ બ્રિજથી નાગેશ્વર તરફ જવાના રસ્તા પર સ્મશાનના દરવાજા નજીક ગઈકાલે સાંજે ચલણી નોટના નંબર પર જુગાર રમતા શંકર સોઢાભાઈ બારીયા, જાવેદ હુસેનભાઈ મકરાણી નામના બે શખ્સ પોલીસ દરોડામાં પકડાયા છે.
બેડેશ્વર નજીક પુલ નીચે એકીબેકી બોલી જુગાર રમી રહેલા સલીમ અબ્દુલભાઈ ઘુમરા, હાસમ ઈલિયાશ લોરૂ નામના બે શખ્સને પોલીસે પકડી લઈ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
