Author: નોબત સમાચાર
ખોટી ઓળખાણ આપી છેતરપિંડીનો પ્રયાસ કરનાર શખ્સ સામે ભરાયા પગલાં
ફરિયાદ કરવા માટે નાગરિકોને બહાર આવવા ઈજનઃ
જામનગર તા. ૧: જામનગરનો એક વિપ્ર શખ્સ મીડિયા હાઉસ, લીગલ એડવાઈઝર કે અન્ય સરકારી કચેરીમાં મોટી ઓળખાણ ધરાવતો હોવાનું કહી સામાન્ય નાગરિકો સાથે છેતરપિંડી કરવાનો પ્રયાસ કરતો હોવાની વિગતો સાયબર ક્રાઈમને મળતા આ શખ્સ સામે પ્રિવેન્ટિવ એક્શન લેવામાં આવ્યા છે અને આ શખ્સ સામે કોઈને ફરિયાદ હોય તો તેઓને બહાર આવવા ઈજન આપવામાં આવ્યું છે.
જામનગરની સાયબર ક્રાઈમ ટીમ તેમજ સિટી બી ડિવિઝન પોલીસ સ્ટેશનને થોડા દિવસોથી રજુઆત મળી રહી હતી કે, જામનગરમાં જયવીન સંજય પુંજાણી નામનો શખ્સ પોતાને પોલીસ વિભાગની વિશેષ શાખા તથા અન્ય સરકારી કચેરીમાં લીગલ અને ટેકનિકલ એડવાઈઝર તરીકેની ઓળખ આપી જુદા જુદા અધિકારીઓ તથા વકીલો સાથે ફોટા પડાવી તેનો ઉપયોગ કરી નાગરિકોને છેતરવાનો પ્રયાસ કરે છે.
આ રજૂઆત અંગે સાયબર ક્રાઈમ પોલીસ સ્ટેશનના સ્ટાફે શરૂ કરેલી તપાસમાં જયવીન પુંજાણી પોલીસ ખાતાના અધિકારીઓ, કોર્ટ, કોર્પોરેટ આર્બીટ્રેટર, લીગલ એડવાઈઝર, પોલિટેકલ સ્ટ્રેટીજીસ્ટ, મીડિયા હાઉસના રીપ્રેઝન્ટેટિવ તરીકે ઓળખ આપી લોકોનો વિશ્વાસ જીતી લોકો પાસેથી કેસ લડવાના કે સમાધાન કરાવી દેવાના અથવા કોર્ટ કાર્યવાહીના નામે પૈસા પડાવતો હોવાનું જણાઈ આવ્યું હતું. તેથી આ શખ્સ સામે ભારતીય નાગરિક સંહિતા મુજબ પ્રિવેન્ટિવ એક્શન લેવામાં આવ્યા છે.
સાયબર ક્રાઈમ ટીમે જણાવ્યા મુજબ ઉપરોક્ત તસ્વીરવાળા શખ્સે કોઈની સાથે છેતરપિંડી કરી હોય અથવા તે પ્રકારનો પ્રયાસ કર્યાે હોય તો આ વ્યક્તિઓએ સાયબર ક્રાઈમ પોલીસ સ્ટેશન અથવા નજીકના પોલીસ સ્ટેશનનો સંપર્ક કરવો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
