Author: નોબત સમાચાર
ઓખાના માછીમારોને ભેળસેળયુક્ત ડીઝલ મળ્યાના અહેવાલનો જવાબ આપવા સૂચના
'નોબત'માં અહેવાલનો પડ્યો સચોટ પડઘોઃ
ઓખા તા. ૧: ઓખાના માછીમારોને ભેળસેળયુક્ત ડીઝલ મળતા માછીમારોને પડ્યા પર પાટુ જેવી પરિસ્થિતિ ઉભી થયાના અહેવાલ 'નોબત' દ્વારા પ્રસિદ્ધ થયા પછી તેના પડઘા પડ્યા છે. દ્વારકા કલેકટર કચેરીએ આ અંગેનો વિગતવાર અહેવાલ તાત્કાલિક મોકલી આપવા લગત કચેરીઓને સૂચના આપી છે.
ઓખાના માછીમારોને ભેળસેળયુક્ત ડીઝલ વિતરણ થયું હોવાની ઉઠેલી રાવ વચ્ચે શુદ્ધ ઈંધણના અભાવે સેંકડો માછીમારોએ દરિયામાંથી પરત ફરી જવું પડ્યું હોવાના અહેવાલ 'નોબત'માં પ્રસિદ્ધ થયા હતા. એક તો માછીમારી સિઝન બે સપ્તાહ મોડી શરૂ થઈ હતી અને ઉપરથી ઈંધણમાં ભેળસેળ થતાં માછીમારોને પડયા પર પાટુ જેવી પરિસ્થિતિ ઉભી થઈ હતી તેને 'નોબત'એ વાચા આપી હતી.
ત્યારપછી આ અહેવાલનો ઘેરો પડઘો પડ્યો છે. દ્વારકા કલેકટર અને જિલ્લા મેજીસ્ટ્રેટની કચેરી દ્વારા જામનગર સ્થિત મદદનીશ નિયંત્રક-કાનૂની માપ વિજ્ઞાનની કચેરી અને ઓખાની મત્સ્યદ્યોગ કચેરીના અધિક્ષક તેમજ દ્વારકાના જિલ્લા પુરવઠા અધિકારીને તે બાબતે ટકોર કરી વિગતવાર અહેવાલ તાત્કાલિક રજૂ કરવા સૂચના અપાઈ છે.
તે અંગેના પત્રમાં જણાવાયા મુજબ ઉપરોક્ત પ્રસિદ્ધ થયેલા અહેવાલની નકલ મુખ્યમંત્રીના ડેસ્ક બોર્ડ પર અપલોડ થઈ છે અને તેનો તાત્કાલિક નિકાલ કરવા, વિગતવાર અહેવાલ આપવા, પ્રશ્નનો નિકાલ કરવા અને કરેલી કાર્યવાહીનો અહેવાલ પણ આપવા સૂચના અપાઈ છે. તેમજ જો ઉપરોક્ત સમાચારનું ખંડન થતું હોય તો તે અંગેનો વીડિયો બનાવી સોશિયલ મીડિયામાં અપલોડ કરી તેની લીંક મોકલી આપવા કલેકટર કચેરી દ્વારા જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
