Author: નોબત સમાચાર
સલાયામાં પાણી વિતરણ, સફાઈ તથા કર્મચારીઓના પગાર પ્રશ્ને કરાઈ રજૂઆત
અકળાયેલા યુવાનોએ કલેકટરને કરી અરજી
સલાયા તા. ૧: સલાયા ગામ છેવાળાનું ગામ છે. અહીં અંદાજે પપ થી ૬૦ હજાર જેટલી વસ્તી છે. મોટા ભાગના લોકો વહાણ અને માછીમારીના ધંધા સાથે સંકળાયેલા છે. તંત્ર દ્વારા સલાયામાં લોકોની પ્રાથમિક સુવિધા પાણી, સફાઈ આ બે બાબતે કોઈ નક્કર કામગીરી કરવામાં આવતી નથી. અનેક વાર જુદા જુદા લોકો અને નેતાઓએ લેખિત તેમજ મૌખિક રજુઆત કર્યા હોવા છતાં કોઈ કામ થતાં નથી. જેથી નગરપાલિકાના આ વહીવટથી કંટાળી સલાયાના યુવાનો અવેશ બ્લોચ અને સબિર ભોકલે જિલ્લાના કલેકટરને લેખિત અરજી કરી સલાયાના પ્રશ્નો બાબતે નિરાકરણ લાવવા રજૂઆત કરી છે.
આ બંને યુવાનો દ્વારા સલાયામાં જુદાજુદા વિસ્તારોમાં ભૂગર્ભ ગટર, સફાઈ, કચરાનો નિકાલ, સ્ટ્રીટ લાઈટ વગેરે બાબતે વિગતવાર માહિતી આપી અને પ્રજાને પ્રાથમિક સુવિધા મળી રહે એ માટે કલેકટર પાસે માંગણી કરી છે. સલાયામાં પાણી વિતરણ વ્યવસ્થા પણ અત્યંત કથળેલી છે. જેમાં ૧૬ થી ર૦ દિવસે પાણી વિતરણ કરવામાં આવે છે. આટલો વરસાદ થયા પછી પાણી વિતરણ આટલા બધા દિવસે થતું હોય લોકોને ભારે મુશ્કેલી પડી રહી છે. તેમજ કર્મચારીઓ પણ નગર પાલિકાના વહીવટથી હેરાન છે. બે થી ત્રણ માસના પગાર બાકી હોય તેમને પણ ઘર ચલાવવા મુશ્કેલ બન્યા છે. તેમજ સરકાર દ્વારા મળતી ગ્રાન્ટની રકમમાં વર્ષોથી કોઈ વધારો કરવામાં આવેલ નથી, જેમાં પણ વધારો કરવા માંગ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
