Author: નોબત સમાચાર
જામનગરના ગોલ્ડન સિટી પાછળથી ઈંગ્લીશ દારૂની ચાર બોટલ સાથે બે ઝબ્બે
નાના વડાળામાંથી પકડાઈ અંગ્રેજીની બે બોટલઃ
જામનગર તા. ૧: જામનગરના ગોલ્ડન સિટી વિસ્તારમાંથી ગઈરાત્રે પોલીસે દારૂની ચાર બોટલ સાથે બે શખ્સને પકડી પાડ્યા છે. જ્યારે કાલાવડના નાના વડાળા ગામમાંથી એક શખ્સ બે બોટલ સાથે ઝડપાયો છે.
જામનગરના સરૂ સેક્શન રોડ સ્થિત પોલીસ હેડકવાર્ટર પાછળ આવેલા ગોલ્ડન સિટી નજીકથી ગઈરાત્રે દોઢેક વાગ્યે પસાર થતાં જીજે-૧૦-ડીએમ ૬૮૬૦ નંબરના મોટર સાયકલને પેટ્રોલિંગમાં રહેલા સિટી સી ડિવિઝનના સ્ટાફે રોકાવી તેના ચાલક મૂળ બાલાચડીના વતની અને હાલમાં રામેશ્વરનગર પાછળ માટેલ ચોકમાં રહેતા સમીર અલીભાઈ સંઘાર તથા રેલવે સ્ટેશન પાસે એકડેએક બાપુની દરગાહ નજીક રહેતા શાહ નવાઝ ઈકબાલ સંઘાર નામના બે શખ્સને રોકી લીધા હતા.
આ શખ્સોની તલાશી લેતા તેના કબજામાંથી અંગ્રેજી શરાબની ચાર બોટલ મળી આવી હતી. પોલીસે બોટલ તથા રૂ. ૩૦ હજારનું બાઈક કબજે કરી બંને શખ્સની ધરપકડ કરી લીધી છે.
કાલાવડ તાલુકાના નાના વડાળા ગામના બસ સ્ટેન્ડ પાસેથી ગઈરાત્રે પસાર થતા અરમાન યુનીસ સાંજી નામના શખ્સને પોલીસે દારૂની બે બોટલ સાથે પકડી પાડ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
