Author: નોબત સમાચાર
બુરહાની પાર્ક પાસે રાખવામાં આવેલા ટ્રકને અજાણ્યો શખ્સ હંકારી ગયોઃ ફરિયાદ
ટ્રકની સાથે કાગળો પણ ચોરાઈ ગયાઃ
જામનગર તા. ર૩: જામનગરના કાલાવડ નાકા બહાર આવેલા બુરહાની પાર્ક નજીક એક આસામીએ પાર્ક કરેલો પોતાનો રૂપિયા સાડા સાત લાખની કિંમતનો ટ્રક ચોરાઈ ગયાની પોલીસમાં ફરિયાદ કરી છે. તે ટ્રકમાં તેની ઓરીજીનલ આરસી બુક સહિતના કાગળો હતા. પોલીસે ગુન્હો નોંધી તપાસ શરૂ કરી છે.
જામનગર નજીકના હા૫ા રોડ પર આવેલી મકવાણા સોસાયટીવાળા અને હાલમાં અલસફા પાર્કમાં રહેતા અબ્બાસભાઈ અબાહસન મસ્કતી નામના આસામીએ વર્ષ ૨૦૦૮ના મોડલનો અશોક લેલેન્ડ કંપનીનો ટ્રક ખરીદ્યા પછી જીજે-૧૦-એક્સ ૯૩૯૪ નંબરના આ ટ્રકના કાગળો સાથે જ રાખ્યા હતા.
તે દરમિયાન ગઈ તા.૭ની સાંજે અબ્બાસભાઈએ અંદાજે રૂપિયા સાડા સાતેક લાખની કિંમતનો આ ટ્રક બુરહાની પાર્ક સામે ઢાળીયા પાસે પાર્ક કરાવ્યો હતો. ત્યાંથી કોઈ શખ્સ ટ્રક હંકારી ગયો છે. તે ટ્રકમાં તેની અસલ આરસી બુક, વીમા પોલિસી, પીયુસી તથા ગુજરાતમાં ટ્રાન્સપોર્ટેશન માટેની પરમીટ સહિતના કાગળો પણ ચોરાઈ ગયા છે. અબ્બાસભાઈએ સિટી એ ડિવિઝન પોલીસ સ્ટેશનમાં ફરિયાદ નોંેંધાવી છે. પોલીસે અજાણ્યા તસ્કર સામે બીએનએસની કલમ ૩૦૩ (ર) હેઠળ ગુન્હો નોંધી તે વિસ્તારના સીસીટીવી ફૂટેજ ચકાસ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
