Author: નોબત સમાચાર
જામ્યુકોમાં આઈસીડીએસના એક અધિકારી સામે મહિલાકર્મીઓની જાતિય સતામણીની રાવઃ ચકચાર
ટગર ટગર જોયા કરે છે અને કારણ વગર સ્પર્શ કરે છે !
જામનગર તા. ર૩: જામનગર મહાનગરપાલિકાની આઈસીડીએસ શાખાના એક અધિકારી સામે જાતિય સતામણી અંગે ફરિયાદ ઉઠવા ચર્ચા જાગી છે. આ ફરિયાદના અનુસંધાને તપાસનો ધમધમાટ શરૂ કરવામાં આવ્યો છે. આ અધિકારી સામે અગાઉ પણ ફરિયાદ ઉઠવા પામી હતી.
જામનગર મહાનગર પાલિકાની આઈસીડીએસ શાખામાં ફરજ બજાવતા ઓફિસ સુપ્રિન્ટેન્ડેન્ટ (ઓ.એસ.) સામે ચાર-પાંચ મહિલા કર્મચારી દ્વારા સતામણી કરવા અંગે કમિશનર સમક્ષ લેખિત ફરિયાદ કરવામાં આવી છે. આ અધિકારી દ્વારા મહિલા કર્મચારી સામે ટગર-ટગર જોયા રાખે છે, કારણ વગર સ્પર્શ કરતો રહે છે તેવો ફરિયાદમાં ઉલ્લેખ કરવામાં આવેલ છે.
આ ફરિયાદના આધારે મહાનગરપાલિકાના ઉચ્ચ અધિકારી દ્વારા તપાસ શરૂ કરવામાં આવી છે અને અમુક કર્મચારીના નિવેદન લેવાઈ રહ્યા છે. તપાસના અંતે કસુરવાર જણાશે તો નિયમ મુજબ પગલા લેવામાં આવશે તેમ અધિકારીએ જણાવ્યું છે. મળતી માહિતી મુજબ ઓફિસ સુપ્રિ.એ આઉટ સોર્સના કર્મચારી છે અને અગાઉ પણ તેની સામે ફરિયાદ ઉઠવા પામી હતી. હવે તપાસના અંતે શું પગલા લેવાય છે ? તેના ઉપર સૌ કોઈની મીટ મંડાઈ છે. ઉપરાંત આ ફરિયાદમાં કેટલું તથ્ય છે તેની પણ તપાસ થઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
