Author: નોબત સમાચાર
જામનગરના મહાજન વેપારીનું ચોટીલા પાસે અકસ્માતમાં મૃત્યુઃ એકને ઈજા
રોડ ક્રોસ કરતી વેળાએ અજાણ્યું વાહન ધસી આવ્યું:
જામનગર તા. ર૩: રાજકોટ-અમદાવાદ ધોરીમાર્ગ પર ચોટીલા પાસે શનિવારે રાત્રે જામનગરના મહાજન વેપારી અને તેમના મિત્રને એક અજાણ્યા વાહને ઠોકર મારી હતી. આ અકસ્માતમાં વેપારીનું મૃત્યુ નિપજ્યું છે અને તેમના મિત્રને ગંભીર ઈજા થઈ છે.
જામનગરના હાલારી વિશા ઓશવાળ સમાજના પ્રમુખ ઓતમચંદ રાયશીભાઈ હરણીયા તેમજ તુષારભાઈ લખમશીભાઈ શાહ, કીર્તિભાઈ રતીલાલ દોઢીયા, દીપેનભાઈ ચંપકલાલ શાહ નામના ચાર વેપારી કામસર મોટરમાં અમદાવાદ ગયા હતા. ત્યાંથી શનિવારે રાત્રે ચારેય વ્યક્તિ જામનગર પરત આવતા હતા.
તેઓ જ્યારે રાત્રિના સમયે ચોટીલા પાસે પહોંચ્યા ત્યારે ચા પાણી પીવા માટે મોટર ઉભી રાખવામાં આવી હતી અને મોટરમાંથી ઉતરીને ચારેય વ્યક્તિ રોડ ક્રોસ કરવા માટે સાઈડમાં ઉભા હતા ત્યારે એક અજાણ્યું વાહન પુરપાટ ઝડપે ધસી આવ્યું હતું.
તે વાહનની હડફેટે કીર્તિભાઈ તથા તુષારભાઈ ચઢી જતાં બંને યુવાનો ફેંકાઈ ગયા હતા. ગંભીર ઈજા પામેલા તુષારભાઈનું મૃત્યુ નિપજ્યું છે. જ્યારે કીર્તિભાઈને સારવાર માટે રાજકોટ દવાખાને ખસેડવામાં આવ્યા છે. અકસ્માતની જાણ થતાં જામનગરથી મહાજન સમાજના અગ્રણીઓ રાજકોટ દોડી ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
