Author: નોબત સમાચાર
પાણીની બોટલના પૈસા માગતા બે શખ્સે યુવાનને પાઈપથી ફટકારી કર્યું ફ્રેક્ચર
જી.જી. હોસ્પિટલની પાછળના દરવાજા પાસે બન્યો બનાવઃ
જામનગર તા. ૧૧ઃ જામનગરના હિંમતનગર રોડ પર જી.જી. હોસ્પિટલના પાછળના ગેઈટ સામે છૂટક સામાનનો વ્યવસાય કરતા યુવાને પાણીની બોટલના પૈસા માગતા તેમના પર બે શખ્સે હુમલો કરી માર માર્યાની ફરિયાદ પોલીસમાં કરવામાં આવી છે.
જામનગરના રામેશ્વરનગર પાછળ જલારામ પાર્ક નજીક વસવાટ કરતા રાજેશ મેરૃભાઈ મેરાણી નામના કોળી યુવાન હિંમતનગર રોડ પર જીજી હોસ્પિટલના પાછળના દરવાજાની સામે પાથરણા પર છૂટક સામાન વેચે છે.
આ યુવાન પાસે સોમવારની રાત્રે નવાગામ ઘેડના હનુમાન ચોકમાં રહેતો કરણ અનિલભાઈ પરમાર નામનો શખ્સ પાણીની બોટલ લેવા આવ્યો હતો. આ વેળાએ બોટલના રાજેશભાઈએ પૈસા માગતા કરણને ગમ્યું ન હતું. તે પછી રાજેશભાઈ પોતાના ઘરે જતા હતા ત્યારે માર્ગમાં કરણ તથા ડેન્ટલ કોલેજ પાસે રહેતો ગટુ સ્કૂટર પર ધસી આવ્યા હતા. આ શખ્સોએ ગાળો ભાંડ્યા પછી પાઈપથી હુમલો કરી રાજેશભાઈને ફટકાર્યા હતા. જેમાં આ યુવાનને પગમાં ફ્રેક્ચર થઈ ગયું છે. પોલીસે કરણ અનિલભાઈ તથા ગટુ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
