Author: નોબત સમાચાર
ચેલા પાસે બે મોટર વચ્ચે સર્જાયેલા અકસ્માત અંગે નોંધાવાઈ ફરિયાદ
અકસ્માતમાં વૃદ્ધ દંપતીનું મૃત્યુઃ ત્રણને થઈ હતી ઈજાઃ
જામનગર તા. ૧૧ઃ જામનગરના ચંગા પાટિયાથી આગળ કાનાલુસ રોડ પર ગઈકાલે બે મોટર વચ્ચે સર્જાયેલા અકસ્માતમાં દોઢીયા ગામના વૃદ્ધ દંપતીનું ગંભીર ઈજા થવાથી મૃત્યુ થયું હતું. ત્રણ વ્યક્તિ ઘવાયાા હતા. મૃતકના પુત્રએ સામેથી ધસી આવેલી મોટરના ચાલક સામે પોલીસમાં ફરિયાદ નોંધાવી છે.
ચંગા ગામના પાટિયાથી કાનાલુસ તરફ જવાના માર્ગ પર ગઈકાલે સવારે દસેક વાગ્યે જામનગર તાલુકાના દોઢીયા ગામના ગૌતમભાઈ કાંતિભાઈ મેંદપરા નામના પટેલ યુવાન પોતાના પરિવાર સાથે જીજે-૧૦-ડીજે ૯૨૩૪ નંબરની હ્યુન્ડાઈ કંપનીની વેન્યુ મોટરમાં પસાર થતા હતા. તેમની સાથે પત્ની જીપ્સીબેન તેમજ પિતા કાંતિભાઈ (ઉ.વ.૬૦), માતા શારદાબેન (ઉ.વ.૫૮) અને હિસ્તીબેન હતા.
તેઓની મોટર સાથે સામેથી પુરપાટ ઝડપે ધસી આવેલી મહિન્દ્રા કંપનીની જીજે-૫-આરઈ ૭૦૭૮ નંબરની એક્સયુવી મોટર ધડાકાભેર ટકરાઈ પડી હતી. આ અકસ્માતમાં ગંભીર ઈજા પામેલા શારદાબેન તથા કાંતિભાઈના ઘટનાસ્થળે જ કરૃણ મૃત્યુ નિપજ્યા હતા. જ્યારે ગૌતમભાઈ, જીપ્સીબેન, હિસ્તીબેનને ઈજા થઈ હતી.
અકસ્માતની જાણ થતાં પોલીસ તથા ૧૦૮ દોડી આવ્યા હતા. ઈજાગ્રસ્તોને સારવાર માટે જી.જી. હોસ્પિટલમાં ખસેડવામાં આવ્યા હતા. તે પછી ગઈકાલે બપોરે ગૌતમભાઈએ પોલીસમાં ફરિયાદ નોંધાવી છે. પંચકોશી-બી ડિવિઝન પોલીસે અકસ્માત સર્જનાર ૭૦૭૮ નંબરની મોટરના ચાલક પરિમલ પટેલ સામે આઈપીસી ૩૦૪ (અ) તેમજ એમ.વી. એક્ટની કલમો હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
