Author: નોબત સમાચાર
જેલમાંથી ફર્લો પર મુક્ત થઈ પલાયન થયેલા આરોપીની હમુસરમાંથી અટક
હત્યા કેસમાં અગાઉ કરાઈ હતી સજાઃ
જામનગર તા. ૧૧ઃ મીઠાપુરના પોલીસ મથકમાં ચાર વર્ષ પહેલા હત્યાના નોંધાયેલા એક ગુન્હામાં રાજકોટની જેલમાં સજા કાપતો શખ્સ રજા પર મુક્ત થયા પછી ફરીથી જેલમાં હાજર ન થઈ નાસી ગયો હતો. તેને દ્વારકા એલસીબીએ હમુસર ગામની સીમમાંથી પકડી પાડ્યો છે.
ઓખામંડળના આરંભડાના ગાયત્રીનગરમાં રહેતા ભરત કાળુભા જડીયા ઉર્ફે કાલા નામના શખ્સ સામે વર્ષ ૨૦૧૯માં મીઠાપુર પોલીસ સ્ટેશનમાં હત્યાનો એક ગુન્હો નોંધાયો હતો. જેમાં આ શખ્સને સજા ફટકારવામાં આવી હતી.
હાલમાં રાજકોટની જેલમાં સજા કાપતા આ શખ્સે ગયા મહિને ચૌદ દિવસની ફર્લો રજા મેળવી હતી. તે પછી તેણે ગઈ તા.૨૭-૯ના દિને જેલમાં હાજર થવાનું હતું પરંતુ તે શખ્સ પોબારા ભણી ગયો હતો. ઉપરોક્ત આરોપી દ્વારકાના હમુસર ગામની સીમમાં આવ્યો હોવાની બાતમી દ્વારકા એલસીબીને મળતા ત્યાંથી તેને પકડી પાડી રાજકોટ જેલમાં મોકલી આપવાની તજવીજ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
