Author: નોબત સમાચાર
વિક્ટોરીયા પુલથી કાલાવડ બાયપાસ રોડ પર કાટમાળ-કચરો ઠાલવી જતાં પરિબળોને રોકો
આ વિસ્તારના કોર્પાેરેટરોનું ધ્યાન જતું કે ધ્યાન 'બિજે ક્યાંક' હોય છેઃ લોકો અકળાયા-નવી ટીમ કાંઈ કરશે...?
જામનગર શહેરમાં છેલ્લા કેટલાક દિવસોથી સ્વચ્છતા અભીયાન મહાનગરપાલિકા દ્વારા હાથ ધરવામાં આવ્યું છે ત્યારે જામનગર શહેરના વિકસીત થઈ રહેલા વિસ્તાર એવા વિક્ટયોરીયા પુલ થી કાલાવડ બાયપાસ રોડ પર જતાં છેલ્લા કેટલાક સમયથી મુખ્ય માર્ગ પર મકાનના કાટમાળોના ઢગલાઓ ઠાલવી જતાં હોય છે તેમજ અન્ય કચરાઓ પણ આ મુખ્ય માર્ગ પર ઠાલવી જાય છે તો આવા લોકો સામે જામનગર મહાનગરપાલિકાએ કોઈ કાર્યવાહી કરવી જોઈએ તેવી પણ આ વિસ્તારમાં રહેવાસીઓ દ્વારા માંગ ઉઠવા પામી છે. અગાઉ પણ આ અંગે 'નોબત' દ્વારા આ વિસ્તારની તસ્વીરો પ્રસિદ્ધ કરી અને જામ્યુકોનું ધ્યાન દોરવામાં આવ્યું હતું ત્યાર પછી પણ કોઈ નક્કર કાર્યવાહી કરવામાં આવી ન હતાં. આ વિસ્તારના કોર્પાેરેટરો પણ ત્યાં જ રહેતાં હોય તેઓનું પણ આ અંગે કોઈ ધ્યાન જતું નથી કે ધ્યાન હોવા છતાં પણ કોઈ કાર્યવાહી કરવા માંગતા નથી તેવો પ્રશ્ન ઉઠવા પામ્યો છે. નવ નિયુક્ત પદાધિકારીઓએ સ્વચ્છ જામનગર બનાવવાની પહેલ જે ઉપાડી છે તો આ વિસ્તારમાં પણ એકાદવાર જઈ અને આ અંગે કોઈ કાર્યવાહી કરવી જોઈએ. પહેલાં તો મકાનોના કાટમાળ જ ઠાલવી જતાં હવે તો કચરાઓ, ડામર, વૃક્ષો સહિતના કચરાઓ ત્યાં ઠાલવવામાં આવે છે. આવા કાટમાળ કોણ ઠાલવી જાય છે તે અંગે પણ યોગ્ય કાર્યવાહી કરી અને જે તે લોકો સામે દંડાત્મક પગલાં ભરવા જોઈએ. કાલાવડ તરફ જવાનો મુખ્ય બાયપાસ માર્ગ હોય અને ધીમે-ધીમે આ વિસ્તાર હવે વિકસીત થઈ રહ્યો છે ત્યારે આ જ વિસ્તારમાં ઈન્કમ ટેક્ષ વિભાગની નવી કચેરી, કસ્ટમ વિભાગની નવી કચેરી, રોડની સામેની તરફ સેવા સદન સહિતની કચેરીઓ આવેલી હોય ત્યારે આવા કચરાઓના ઢગલાઓ રોડ પર શહેરની શોભા બગાડી રહ્યા છે. આ વિસ્તારના ચાર માંથી કોઈ પણ કોર્પાેરેટરો આ અંગે તસ્દી લેતાં ના હોય તો તેઓ સાથે પણ નવનિયુક્ત પદાધિકારીઓ દ્વારા એક મિટીંગ કરી અને આ અંગે કોઈ યોગ્ય કાર્યવાહી કરવી જોઈએ તેવી આ વિસ્તારમાં રહેતાં લોકોની માંગ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
