Author: નોબત સમાચાર
ફોટા, વીડિયો વાયરલ કરવાની ધમકી આપી સોનાનો સેટ પડાવી લેવાના કેસમાં જામીન મંજૂર
બે શખ્સ સામે નોંધાયો હતો ગુન્હોઃ
જામનગર તા. ૧૧ઃ જામનગરના એક યુવતી સાથે પ્રેમસંબંધ બાંધ્યા પછી શરીર સંબંધ સ્થાપી તેના ફોટા તથા વીડિયો વાયરલ કરવાની ધમકી આપી એક શખ્સે સોનાનો સેટ પડાવી લીધાની અને બીજા શખ્સે ધમકી આપ્યાની પોલીસમાં ફરિયાદ થઈ હતી. તે ગુન્હાના બંધે આરોપીને જામીન મુક્ત કરવાનો હુકમ કરાયો છે.
જામનગરના એક યુવતીએ પોલીસમાં ફરિયાદ નોંધાવી તેમાં જણાવ્યું હતું કે, તેણીને ભરત થાપલીયા નામના શખ્સ સાથે પ્રેમસંબંધ બંધાયા પછી બંને વચ્ચે શરીર સંબંધ સ્થપાયો હતો. તેના કેટલાક ફોટા અને વીડિયો ભરત થાપલીયા પાસે હતા. તે પછી ભરતે પૈસાની જરૃર પડતા આ યુવતી પાસે સોનાની વસ્તુ માગી હતી અને તે આપવાની યુવતીએ ના પાડતા ભરતે ફોટા તથા વીડિયો વાયરલ કરવાની ધમકી આપી બળજબરીથી સોનાનો સેટ પડાવી લીધો હતો અને તે પછી બ્લેકમેઈલ કરી દુષ્કર્મ આચર્યું હતું. જ્યારે અનિલ થાપલીયાએ ધમકી આપી હતી.
આ ફરિયાદ પરથી પોલીસે ભરત થાપલીયા અને અનિલ થાપલીયા નામના શખ્સોની ધરપકડ કરી હતી. જેલહવાલે થયેલા આરોપીઓએ જામીન મુક્ત થવા અદાલતમાં અરજી કરી હતી તેની સામે તપાસનીશે સોગંદનામું કરી દલીલ કરી હતી કે, આરોપીઓ સામે હત્યા, હત્યા પ્રયાસ, ખંડણી સહિતના ગુન્હાઓ નોંધાયેલા છે. જ્યારે અનિલ થાપલીયા સામે પણ અઢાર ગુન્હા રજીસ્ટર થયા છે. તેની સામે આરોપીઓના વકીલે કરેલી દલીલો ધ્યાને લઈ અદાલતે બંને આરોપીને જામીન પર મુક્ત કરવા હુકમ કર્યાે છે. આરોપી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
