Author: નોબત સમાચાર
૫૪૦૦ બોટલ દારૃ ઝડપાઈ જવાના પ્રકરણમાં પંચકોશી 'બી' ડિવિઝનના ફોજદારને સસ્પેન્શન
સ્ટેટ મોનિટરીંગ સેલની ટીમે પાડ્યો હતો દરોડોઃ
જામનગર તા. ૧૧ઃ જામનગરના દરેડ જીઆઈડીસી વિસ્તારમાં આવેલા એક ગોડાઉનમાંથી સ્ટેટ મોનિટરીંગ સેલે અંગ્રેજી શરાબની ૫૪૦૦ બોટલ પકડી પાડી હતી. આ પ્રકરણમાં પંચકોશી-બી ડિવિઝનના ફોજદારને આઈજીએ સસ્પેન્સન પકડાવ્યું છે. વધુ કેટલાક પોલીસકર્મી સામે પગલાં તોળાઈ રહ્યા છે.
જામનગરના દરેડ જીઆઈડીસી વિસ્તારમાં આવેલા એક ગોડાઉનમાં અંગ્રેજી શરાબનો ગંજાવર જથ્થો રાખી તેનું કટીંગ કરાઈ રહ્યું હોવાની બાતમી પરથી શનિવારે રાત્રે ગાંધીનગરથી સ્ટેટ મોનિટરીંગ સેલની ટીમે દરોડો પાડતા તે ગોડાઉનમાંથી ભારતીય બનાવટના અંગ્રેજી શરાબની ૫૪૦૦ બોટલ મળી આવી હતી.
તે જથ્થા સાથે ચાર પરપ્રાંતિય શખ્સ મળી આવ્યા હતા. તે શખ્સોની અટકાયત કરી દારૃ ઝબ્બે લેવાયો હતો અને અંદાજે રૃા.રર લાખ ઉપરાંતનો મુદ્દામાલનો કબજો પંચકોશી-બી ડિવિઝન પોલીસ સ્ટેશનને અપાયો હતો. પંચકોશી-બી પોલીસે રાજસ્થાનના અનિલ શાહુ-બિશ્નોઈ, ગોગી જબરામ બિશ્નોઈ, રામનારાયણ અર્જુનસિંહ, મુકેશ સુખરામ નામના ચાર શખ્સની ધરપકડ કરી હતી.
ઉપરોક્ત દરોડાએ નગરના પોલીસબેડામાં ચકચાર જગાવી હતી. ગાંધીનગરથી દોડી આવેલી સ્ટેટ મોનિટરીંગ સેલની ટૂકડીએ દરોડો પાડી શરાબનો ગંજાવર જથ્થો કબજે કર્યાે હોય લગત પોલીસ સ્ટેશનના ફોજદાર સહિતના સ્ટાફ સામે પગલાં તોળાઈ રહ્યા હતા. તે દરમિયાન ગઈકાલે રાજકોટ રેન્જના આઈજી અશોકકુમાર યાદવે પંચકોશી-બી ડિવિઝનના પીએસઆઈ એમ.એ. મોરીને સસ્પેન્ડ કરવાનો હુકમ કર્યાે છે. તે પછી હજુ કેટલાક પોલીસ કર્મચારી સામે પણ પગલાં ભરાય તેવી શક્યતા જોવાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
