Author: નોબત સમાચાર
લંડનના લ્યુટન એરપોર્ટનું કારપાર્કિંગ સળગતા તત્કાળ તમામ ઊડાનો રદ કરાઈઃ ઈમરજન્સી
યાત્રિકોને કરાયા માહિતગારઃ ફાયર રેસ્ક્યુ સર્વિસ સક્રિય
લંડન તા. ૧૧ઃ લંડનના લ્યુટન એરપોર્ટના કારપાર્કિંગમાં ભિષણ આગ લાગતા તત્કાળ તમામ ઊડાનો રદ્ કરીને ફાયર રેસ્ક્યુ સર્વિસ દ્વારા આગ ઓલવવાની કાર્યવાહી હાથ ધરાઈ હતી.
લંડનમાં આવેલા લ્યુટન એરપોર્ટ પર ભયંકર આગ લાગી હોવાના અહેવાલ મળી રહ્યા છે. આ આગની ઘટના કારપાર્કિંગમાં બની હોવાની જાણકારી મળી છે. જેમાં મોટી સંખ્યામાં માલહાનિના અહેવાલ છે. અનેક કારો આગની લપેટમાં આવી હતી.
જો કે, હજુ સુધી જાનહાનિને લગતા અહેવાલ સામે આવ્યા નથી. પ્રાપ્ત થતી માહિતી અનુસાર લ્યુટન એરપોર્ટ ઓથોરિટીએ તાબડતોબ નિર્ણય લેતા એરપોર્ટનં સંચાલન બંધ કરી દીધું હતું. ઈમરજન્સીમાં લેવાયેલા નિર્ણયની યાત્રીઓને જાણકારી અપાઈ હતી અને તેમને એરપોર્ટ પર ન આવવા સૂચના અપાઈ હતી.
એવો દાવો કરવામાં આવ્યો છે કે, કારપાર્કિંગની બિલ્ડિંગનો અમુક સ્ટ્રક્ચર તૂટી પડતા આગ લાગી હતી. એરપોર્ટ ઓથોરિટીએ કહ્યું કે યાત્રીઓની સુરક્ષા જ અમારી પ્રાથમિક્તા છે. હવે બુધવારના બપોરના ૧ર વાગ્યા સુધી તમામ ફ્લાઈટોનું સંચાલન રદ્ કરવાનો નિર્ણય લેવાયો છે. બેડફોર્ડ શાયર ફાયર એન્ડ રેસ્ક્યુ સર્વિસના કર્મચારીઓ આગને ઓલવવા પ્રયાસો કરી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
