Author: નોબત સમાચાર
શેખપાટ પાટીયા પાસે બિનવારસુ મોટરમાં મળી આવી ઈંગ્લીશ દારૂની ૨૦૨ બોટલ
મોટરના માલિક, ચાલકની શોધખોળઃ
જામનગર તા. રપઃ જામનગર-રાજકોટ માર્ગ પર શેખપાટના પાટીયા પાસે એક ખુલ્લા પ્લોટમાં રાખવામાં આવેલી મોટરમાંથી એલસીબી એ ૨૦૨ બોટલ ઈંગ્લીશ દારૂ પકડી પાડ્યો છે. મોટર, દારૂ મળી રૂપિયા સાડા ચાર લાખ ઉપરાંતનો મુદ્દામાલ કબજે કરાયો છે. દારૂનો જથ્થો કોણે મોકલાવ્યો? કોણે મંગાવ્યો? કોણ લાવ્યું? મોટર કોની છે? તે તમામ પ્રશ્નના ઉત્તર મેળવવા પોલીસ દ્વારા તપાસ શરૂ કરવામાં આવી છે.
જામનગર-રાજકોટ ધોરી માર્ગ પર શેખપાટ ગામના પાટીયા પાસે શાલીભદ્રનગર નજીક ખુલ્લા પ્લોટમાં એક મોટર પડી હોવાની અને તેમાં દારૂનો જથ્થો પડ્યો હોવાની બાતમી એલસીબીના મયુદ્દીન સૈયદ, અરજણભાઈ, નારણ ભાઈ વસરા, ધર્મેન્દ્રસિંહને મળતા પીઆઈ વી.એમ. લગારીયાને વાકેફ કરાયા પછી ગઈકાલે સાંજે એલસીબી સ્ટાફે ત્યાં દરોડો પાડયો હતો.
આ સ્થળેથી જીજે-૩-ઈઆર ૮૮૮ નંબરની સ્કોડા કંપનીની મોટર મળી આવી હતી. તેની તલાશી લેવાતા અંગ્રેજી શરાબની ૨૦૨ બોટલ મળી આવી હતી. એલસીબીએ રૂ.૬૬,૪૦૦ની કિંમતનો શરાબનો જથ્થો તથા રૂ.૪ લાખની મોટર કબજે કરી છે. આ મોટરના માલિક તથા ચાલક અને તે સ્થળે મોટરમાં દારૂનો જથ્થો કોના માટે લાવવામાં આવ્યો? તે તમામ પ્રશ્નના ઉત્તર મેળવવા તપાસ શરૂ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
