Author: નોબત સમાચાર
સગીરાનું બે વર્ષ પહેલાં અપહરણ કરી દુષ્કર્મ ગુજારવાના ગુન્હામાં આરોપી ઝબ્બે
તેના માતા-પિતાએ પણ કરી હતી મદદગારીઃ
જામનગર તા. રપઃ જામનગરના વિનાયક પાર્કમાં રહેતા એક શખ્સે પોતાના માતા તથા પિતાની મદદગારીથી એક તરૂણીનું અપહરણ કરી દુષ્કર્મ ગુજાર્યાનો ગુન્હો બે વર્ષ પહેલાં નોંધાયા પછી ત્રણેય વ્યક્તિ નાસી ગયા હતા. તેઓને પંચવટી સોસાયટી પાસેથી એલસીબીએ પકડી પાડ્યા છે.
જામનગરના રામેશ્વરનગર વિસ્તાર પાછળ આવેલા વિનાયક પાર્કમાં રહેતો પ્રિન્સ અશોકભાઈ મકવાણા નામનો શખ્સ તથા તેના પિતા અશોકભાઈ બચુભાઈ મકવાણા, માતા જાગૃતિબેન મકવાણા સામે વર્ષ ૨૦૨૨માં એક સગીરાના અપહરણનો ગુન્હો નોંધાયો હતો.
જે તે વખતે સિટી બી ડિવિઝન પોલીસે આઈપીસી કલમ ૩૬૩, ૩૬૬, ૩૭૬ (૧) (ર) (એન) (૩), ૧૧૪ તથા પોક્સો એક્ટ અને આઈટી એક્ટ હેઠળ ગુન્હો નોંધી આરોપીઓની શોધ શરૂ કરી હતી. ત્રણેય વ્યક્તિ પોલીસને હાથતાળી આપતા હતા.
તે દરમિયાન એલસીબીના મયુદ્દીન સૈયદ, અરજણભાઈ, ધર્મેન્દ્રસિંહ, કિશોર પરમારને બાતમી મળી હતી કે, ઉપરોક્ત ત્રણેય વ્યક્તિ પંચવટી વિસ્તારમાં આવ્યા છે. પીઆઈ વી.એમ. લગારીયાને વાકેફ કરાયા પછી ત્યાં ધસી ગયેલી એલસીબી ટીમે ત્રણેય વ્યક્તિને અટકાયતમાં લઈ તેનો કબજો સિટી બી ડિવિઝન પોલીસ સ્ટેશનને સોંપી આપ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
