Author: નોબત સમાચાર
મીઠોઈ ગામમાં ગંજીપાના વડે જુગાર રમી રહેલા બે શખ્સ આબાદ ઝડપાયા
જામજોધપુર તથા પાટણમાંથી વર્લીબાજ ઝબ્બેઃ
જામનગર તા. રપઃ લાલપુરના મીઠોઈ ગામમાં ગઈરાત્રે ગંજીપાનાથી જુગાર રમતા બે શખ્સને પોલીસે પકડી પાડ્યા છે. જ્યારે જામજોધપુર શહેર તથા પાટણ ગામમાંથી વર્લીના આંકડા લખતા બે શખ્સને ઝડપી લેવાયા છે.
લાલ૫ુર તાલુકાના મીઠોઈ ગામમાં દલિતવાસ પાસે ગઈકાલે રાત્રે ગંજીપાના વડે જુગાર રમી રહેલા દિલીપસિંહ ખુમાનસિંહ જાડેજા તથા મૂળ અમદાવાદના સાગર અજાભાઈ ભુંડીયા નામના બે શખ્સને મેઘપર પોલીસ સ્ટેશનના સ્ટાફે દરોડો પાડીને ઝડપી લીધા હતા. પટમાંથી રૂ.૩૭૦૦ કબજે કરવામાં આવ્યા છે.
જામજોધપુર તાલુકાના પાટણ ગામમાં ગઈકાલે સાંજે એક શખ્સ વર્લીના આંકડા લખતો હોવાની બાતમી પરથી એલસીબીના સ્ટાફે દરોડો પાડ્યો હતો. ત્યાંથી કેશુભાઈ ગીગાભાઈ ભુતીયા નામનો શખ્સ વર્લીનું બેટીંગ લેતો મળી આવ્યો હતો. તેની પાસેથી રૂ.૨૨૮૦ રોકડા, વર્લીના આંકડા લખેલી ચિઠ્ઠી કબજે કરવામાં આવી છે.
જામજોધપુર શહેરમાં ગાય સર્કલ પાસે જાહેરમાં ઉભા રહી વર્લીના આંકડા લખતા સુનિલ ધીરૂભાઈ ઝીંઝુવાડીયા નામના શખ્સને પોલીસે વર્લીના આંકડા લખતો ઝડપી લીધો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
