Author: નોબત સમાચાર
જામનગર ગ્રામ્ય મહિલા હોકી ટીમ રાજ્ય કક્ષાએ વિજેતાઃ હવે રાષ્ટ્રીય કક્ષાએ રમવા દિલ્હી જશે
ફાયનલમાં દેવગઢ બારિયાની ટીમને ર-૧ ના સ્કોરથી પરાજય આપી જામનગર જિલ્લાનું નામ રોશન કર્યું
સ્પોર્ટસ ઓથોરીટી ઓફ ગુજરાત દ્વારા જવાહરલાલ નહેરૂ હોકી અંડર ૧૭ બહેનો માટેની રાજ્યકક્ષાની સ્પર્ધાનું તા. ર૧ થી તા. ર૩-૯-ર૦ર૪ દરમિયાન રાજકોટ જિલ્લામાં આયોજન કરવામાં આવ્યું હતું. જે સ્પર્ધામાં જામનગર ગ્રામ્યની જી.એમ. પટેલ કન્યા વિદ્યાલય, ધ્રોળ ડીએલએસએસની અંદર ૧૭ બહેનોની ટીમે વિજેતા થઈ ગોલ્ડ મેડલ મેળવેલ છે. સ્પર્ધાની ફાયનલ મેચમાં જામનગર ગ્રામ્યની ટીમે દેવગઢ બારિયાની ટીમને ર-૧ ના સ્કોરથી પરાજય આપી રાજ્ય કક્ષાએ ગોલ્ડ મેડલ મેળવી જામનગર જિલ્લાનું નામ રાજ્ય કક્ષાએ રોશન કર્યું છે. જે અંતર્ગત જામનગર જિલ્લાના જિલ્લા રમત વિકાસ અધિકારી રાવલિયાએ વિજેતા ટીમને શુભેચ્છાઓ પાઠવી છે સાથે સાથે જી.એમ. પટેલ કન્યા વિદ્યાલય, ધ્રોળના સંચાલકો દ્વારા પણ વિજેતા ટીમનું ઉષ્માભેર સ્વાગત કરવામાં આવ્યું હતું. ગુજરાત સરકારની જિલ્લા કક્ષા સ્પોર્ટસ સ્કૂલ યોજના અંતર્ગત હોકી રમતની ઉત્કૃષ્ટ તાલીમ મેળવી જી.એમ. પટેલ કન્યા વિદ્યાલય, ધ્રોળ ડીએલએસએસની ટીમ રાજ્ય કક્ષાએ વિજેતા થયેલ છે. વિજેતા થયેલ ટીમના ખેલાડીઓ આગામી માસમાં રાષ્ટ્ર કક્ષાની સ્પર્ધામાં ભાગ લેવા દિલ્હીમાં રમવા જશે અને રાષ્ટ્ર કક્ષાએ ગુજરાત રાજ્યનું પ્રતિનિધિત્વ કરશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
