Author: નોબત સમાચાર
જામનગર તાલુકા પ્રાથમિક શિક્ષક કર્મચારી ધિરાણ અને ગ્રાહક સહકારી મંડળીની વા. સાધારણ સભા
ધારાસભ્ય રીવાબા જાડેજા સહિતના મહાનુભાવોની ઉપસ્થિતિ
જામનગર તા. ર૫: તાજેતરમાં જામનગર તાલુકા પ્રાથમિક શિક્ષણ કર્મચારી ધિરાણ અને ગ્રાહક સહકારી મંડળી લિમિટેડની ૩૯ મી વાર્ષિક સાધારણ સભા અને તેજસ્વી વિદ્યાર્થી સન્માન તેમજ નિવૃત્ત શિક્ષકોનો સન્માન કાર્યક્રમ ગુજરાત રાજ્ય પ્રાથમિક શિક્ષક સંઘના પ્રમુખ દિગ્વિજયસિંહ જાડેજાના અધ્યક્ષ સ્થાને યોજાયો હતો.
૭૮ જામનગરના ધારાસભ્ય રીવાબા જાડેજા દ્વારા કાર્યક્રમનું ઉદ્દઘાટન કરવામાં આવ્યું હતું. તેજસ્વી વિદ્યાર્થીઓને તથા નિવૃત્ત શિક્ષકોને સન્માનીત કરવામાં આવ્યા હતાં.
કાર્યક્રમમાં જામનગર જિલ્લા ભાજપ પ્રમુખ રમેશભાઈ મુંગરા, મહામંત્રી દિલીપભાઈ ભોજાણી, માર્કેટિંગ યાર્ડના ચેરમેન મુકુંદભાઈ સભાયા, જિલ્લા પ્રાથમિક શિક્ષણાધિકારી વિપુલભાઈ મહેતા, જામનગર જિલ્લા પ્રાથમિક શિક્ષક સંઘના મહામંત્રી રાજેન્દ્રસિંહ જાડેજા, સિનિયર ઉપપ્રમુખ લક્ષ્મણસિંહ જાડેજા, ઉપપ્રમુખ ગજેન્દ્રસિંહ જાડેજા તેમજ ગુજરાત રાજ્ય મહાનગર પાલિકા પ્રાથમિક શિક્ષક સંઘના પ્રમુખ ચંદ્રકાંત ખાખરીયા, મહાલક્ષ્મી મંડળીના પ્રમુખ દેવેન્દ્રસિંહ પરમાર, જામનગર જિલ્લા પંચાયતના મંત્રી સેજપાલ શ્રી રામ, જામનગર તાલુકા પ્રાથમિક શિક્ષક સંઘના મંત્રી પંકજભાઈ વિરડીયા, સિનિયર ઉપપ્રમુખ હરદેવસિંહ પરમાર તેમજ જિલ્લા તેમજ તાલુકા સંઘના હોદ્દેદારો ઉપસ્થિત રહ્યા હતાં.
મંડળીના સભ્ય કલ્પેશભાઈ માંડવીયાનું અતિવૃષ્ટિની કામગીરી દરમ્યાન અવસાન થતાં મૃતકના પરિવારજનોને મંડળી દ્વારા કાર્યક્રમમાં એક લાખ રૂપિયાનો ચેક અર્પણ કરવામાં આવ્યો હતો. મંડળી દ્વારા કલ્યાણ નિધિ અન્વયે જો કોઈ શિક્ષકનું અવસાન થાય તો તેમના પરિવારજનોને ૧પ લાખ સહાય આપવામાં આવે છે. સમગ્ર ગુજરાતમાં આ મંડળી દ્વારા ઉત્કૃષ્ટ દેખાવ કરી પ્રથમ ક્રમાક મેળવવા બદલ ટીમને શુભેચ્છા પાઠવી, જામનગર જિલ્લા પ્રાથમિક શિક્ષણ કર્મચારી ધિરાણ અને ગ્રાહક સહકારી મંડળીના પ્રમુખ દિગ્વિજયસિંહ જાડેજા દ્વારા સભાસદોને ડિવિડન્ડ તથા નફા અંગે માહિતગાર કરવામાં આવ્યા હતાં. સ્વરૂચિ ભોજન સાથે કાર્યક્રમ સંપન્ન થયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
