Author: નોબત સમાચાર
જામનગરની ગાયત્રી શક્તિપીઠમાં પિતૃશાંતિ માટે સામૂહિક તર્પણવિધિ
તા.૨ ઓક્ટોબરે નિઃશુલ્ક ધાર્મિક કાર્યક્રમોઃ
જામનગર તા. ૨૫: જામનગરની શ્રી ગાયત્રી શક્તિપીઠમાં પ્રતિવર્ષ ચૈત્ર માસ અને ભાદરવા માસની અમાસના દિવસે પિતૃશાંતિ માટે સામૂહિક તર્પણનો નિઃશુલ્ક કાર્યક્રમ રાખવામાં આવે છે. તદ્અનુસાર ભાદરવા માસની અમાસ નિમિત્તે તા.૨-૧૦-૨૦૨૪ના સવારે ૮થી ૧૦ સામુહિક તર્પણવિધિનો કાર્યક્રમ રાખવામાં આવ્યો છે. ઈચ્છુક વ્યક્તિઓને શ્રી ગાયત્રી શક્તિપીઠ કાર્યાલયમાં મોડામાં મોડુ તા.૩૦-૯-૨૪ના રાત્રે ૮ વાગ્યા સુધીમાં પોતાના નામ નોંધાવી આપવાના રહેશે.
આસો માસની નવરાત્રિનું અનુષ્ઠાન શ્રી ગાયત્રી શક્તિપીઠમાં ગુરૂવાર તા.૩-૧૦થી શુક્રવાર તા.૧૧-૧૦ સુધી સંપન્ન થશે. આથી અનુષ્ઠાન કરવા ઈચ્છતા ભાઈઓ-બહેનોને શક્તિપીઠના ધ્યાનખંડમાં આગલા દિવસે બુધવારે તા.૨-૧૦ના સાાજે ૫થી ૬ સંકલ્પવિધિ માટે હાજર રહેવા તથા ત્યારબાદ અનુષ્ઠાન માટે ગાયત્રી શક્તિપીઠમાં ગાયત્રી મંત્રના જાપ, માળા વહેલી સવારના ૪ વાગ્યાથી આખા દિવસ દરમિયાન અનુકૂળતા મુજબ સંપન્ન કરવા અનુરોધ છે. અનુષ્ઠાન પૂર્ણાહુતિનો નવકુંડી સામૂહિક ગાયત્રી હવન ગાયત્રી શક્તિપીઠના ધ્યાનખંડમાં શનિવાર તા.૧૨-૧૦ના સવારે ૮થી ૧૧ સુધી આયોજન કરવામાં આવ્યું છે. જેમાં ભાગ લેવા તથા દર્શનનો લાભ લેવા ગાયત્રી શક્તિપીઠની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
